روايه انتظرتك سنين الفصل الثاني بقلم ڤونا
٢
مر اليوم بسلام وكان تاني أسعد يوم في حياتي بعد جوازي من چونا
صحيت تاني يوم وحسيت بإيده علي وشي
_صباح الخير يا عيوني
=صباح النور يا حبيبي
_قومي يلا اجهزي واغسلي وشك وأنا هحضرلك الفطار
=لاء أنا كده هتعود علي الدلع ده بقي
بابتسامه_لو مدلعتش مراتي حبيبتي والصغنن ده ادلع مين
قومت حضنته حقيقي حضنه ده الحاجه الوحيده اللي بستمد منها قوتي
بادلني الحضن وبعدين هو راح يعمل الفطار وأنا دخلت الحمام
طلعت وفطرنا سوا
_ أنا نازل يا حبيبي عايزة حاجة
=عايزة سلامتك يا عيوني
وحضني ومشي كنت قاعدة بتفرج علي مسلسلي وفجأة الباب خبط فتحت لقيت عمته وبنتها اللي مبطقش قدهم ومامت چونا
بصيت لمامته ووجهتلها الكلام_صباح الفل اتفضلي
=حبيبه قلبي
دخلت طنط ودخلو وراها وأنا مش طايقه وجودهم في بيتي
دخلت جبتلهم عصير عشان واجب الضيافه وكده وطلعت قعدت معاهم
عمته_إلا قوليلي بقي الحمل ده حصل أمتي
رديت بهدوء مصطنع_لما ربنا أراد يا طنط
كانت بتبصلي بقرف هي وبنتها بس مكنتش مهتمة غير بطنط أم چونا
_مبروك يا حبيبتي حقيقي فرحت أوي أنتِ متعرفيش بابا چونا كان فرحان قد ايه
=ربنا يديم فرحتكم يا ماما
_يارب يا حبيبتي وان شاء الله تقومي بالسلامه
ردت بنت عمته بسخرية_ان شاء الله
مهتمتش ليها وقعدت اتكلم مع طنط ومر وقت قامت عمته_أنا هقوم أعمل شاي
اتكلمت بسرعه_خلي حضرتك مستريحه وأنا هعمل
ردت بضيق_لا يا حبيبي ده بيت ابني خليكي مرتاحه
دخلت المطبخ وعملت شاي في كباية ڤونا وحطت فيها سائل شفاف وقلبت كويس وطلعت برا ليهم
شربنا الشاي وأنا ملاحظه ابتسامه عمتو الغريبة ليا بس مهتمتش فجأة في وسط الكلام حسيت ببطني وجعاني جامد وكأن سك**اكين بتقطع فيها فضلت أصرخ أصرخ صرخت كتير جرت عليا ماما بخوف وقلق_مالك يا حبيبتي في ايه
بصريخ_بطنييييي مش قادره همووووت
تقريبا من كتر الصريخ البيت كله اتلم طلع عمو واخوات چونا وهما مخضوضين وخدوني وجرو علي المستشفي بسرعه وطنط كلمت چونا جالي جري
وصلت ودخلوني اوضه العمليات
مرت ساعات كتير وهما برا في حاله قلق وخوف ومكنوش فاهمين ليه كل ده
بعد مرور وقت كبير خرج الدكتور وكلهم جرو عليه
_الحمدلله أن المدام لسه عايشه
بص چونا بصدمه وقال_ايه اللي حصل
_المدام للأسف جالها تس*مم شديد جداً وللأسف فقدنا الجنين
نزل الخبر ده زي الصاعقه علي كل اللي واقفين ماعدا عمته وبنتها
والده من كتر الصدمه وقع علي الأرض رجله مكانتش شيلاه ووالدته فضلت تعيط في صمت هي وأخواته
چونا_انا عايز أشوفها أرجوك
=تمام هي دلوقتي بس خدت مهدأ عشان لما عرفت خبر الطفل جالها انهيار عصبي فهي دلوقتي نايمة
وسابهم الدكتور ومشي ودخل چونا لوحده وبص علي شكلها الشاحب والدموع اللي مغرقه وشها مقدرش يتماسك أكتر من كده ودموعه نزلت
بعد مرور ٢٠ دقيقه بدأت فونا تفوق
بصوت ضعيف_چو..ن...ا
جري عليها ومسك أيدها بحنيه_حمدلله علي سلامتك يا حبيبي
بدأت أفوق واستوعب اللي حصل وافتكرت كل حاجه ودموعي نزلت واتكلمت بقهر ووجع_فرحتنا مكملتش
وبدأت أصرخ_لييييي ليييييي يارب لييييي
خدني في حضنه عشان أهدي مهدتش وكتر العياط أكتر _ليه عملو فيا كده ليه ليييييه.
چونا بعدم فهم_انا مش فاهم حاجه ومين دو..
وقطع كلامه صوت الباب بيتفتح دخل في كل اللي كانو برا وأول مدخلت عمته وبتها قعدت أصرخ_أطلعو براااااااا أنتم السبب براااااا حسبي الله ونعم الوكيل فييييكم براااااااا
كلهم بصولي بصدمة ومكنش حد فاهم حاجه غيرها هي وبنتها
اتمسكنت_بقي كده أنا غلطانه إني جاية اسأل علي مرات ابني
=مرااااات ابنك براااااااا بقولك برااااا حسبي الله فيكي وفي بتك
كملت بعياط أكتر_ليه أنا عملت ايه لكل ده أنا مش ذنبي ان چونا اختارني مختارش بتك مش ذنبي أن هو حبني ومحبهاش مش ذنبي أن ربنا مكنش رايد إني أخلف طول السنين دي كلها
وكملت بصراخ_ويوووم ما كرمني أنتِ خلتيه يروح يا شيخه ربنا ينتقم مننننك
بصيت لچونا واتكلمت بضعف_عمتك السبب دخلت تعمل شاي وتقريبا هي اللي حطتلي س*م في الشاي عشان كانت مضايقه إني حملت انا ذنبي ايه وذنب الملاك اللي لسه متكونش حتي ولا أكتمل ذنبه ايه
وفجأة مبقتش قادره أخد نفسي وبدأت اكح كتير ووشي أحمر لغاية مأغمي عليا وو.....
يتبع
#بقلم_ڤونا
#أنتظرتك_سنين
اكتب في بحث جوجل 👇
(مدونه الرسم بالكلمات رواية انتظرتك سنين)
وستظهر لك 👇
لقراءه رواية انتظرتك سنين كامله اضغط هنا 👇
