روايه القدر الفصل الخامس 5 بقلم ملك ياسر الشرقاوي
الفصل الخامس.روايه(القدر).
الممرضه: باشمهندس آسر دفعهم ي فندم.
أحمد: تمام شكرا.
احمد طلع فوق عند ممتو و اختو.
احمد: ماما آسر دفع الحساب.
نورا بصدمه: ليه كده؟؟
احمد: مش عارف انا كنت مصدوم زيك كده بس تقريبا علشان احنا تسامحنا معاهم ف دفع الحساب حب يعوض بدل ما يديلك فلوس في إيدك و يحرجك هو و بباه.
نورا بإبتسامة هادئة: عندك حق يلا بينا احنا نروح.
نزلو تحت و....
نورا بإستغراب: اتفضل ي آسر في حاجه نسيتها امبارح ولا حاجه؟!
آسر: لا انا قولت اجي اوصلكم البيت.
نورا: مالوش لزوم يبني كنا هناخد تاكسي يوصلنا ماتتعبش نفسك انت احنا هناخد تاكسي و نروح و بعدين معانا احمد ماتقلقش.
آسر: ولا تعب ولا حاجه اتفضلوا انا هوصلكم و كمان عايز اشوف بيتنا القديم بقالي كتير ماشوفتهوش ولا انتو مش عايزين تضايفوني.
نورا بسرعه: لا لا ي حبيبي تيجي وقت ما انت عايز البيت بيتك.
آسر: خلاص يلا اركبوا.
ركبو الجميع.
أحمد بصوت عالي: لووومه.
سلمى اتخضت: هاااا انا مش قولتلك ماتقولش لومه ملاك مش هتحلك لو سمعتك بتقولها و بعدين انت بتنده من الشارع اللي ورا يبني انا جنبككك.
احمد بضحك: قولتلك متخافيش مش هقولها قدامها و بعدين كنت عايز اخضك وانتي اتخضيتي بصراحه.
سلمى ضيقت عيونها قرصتو و بصوت واطي قالت: والاااا انت هتهدا ولااااا عايزني اضربك و بعدين لسانك يابا هياخد على الكلمه.
كل ده و آسر سامعهم و عمال يضحك عليهم بس بيحاول مش يبين ده علشان مايتحرجوش.
نورا: اسكت انت و هي و مضايقهاش اختك تعبانه.
احمد بضحك: باين اووي من تهديداتها 😂
و بعد مرور وقت قليل وصلو البيت آسر فضل واقف شويه قدام بيتهم و افتكرو و افتكر وقت ما سلمى كانت بتلعب معاه و كان بيوصلها المدرسه و ماكنش بيخلي حد يلعب معاها غيرو ولا يضايقها.
نورا بإبتسامة هادئة: عارفه إنك بقالك كتير ماجتش هنا و البيت وحشك و كل حاجه وحشتك بس انت في مكان احسن دلوقتي ي حبيبي و تقدر تيجي وقت ما انت عايز و تشوف البيت وقت ما انت عايز و كمان هو لسه مقفول و ماتباعش.
الكل طلع البيت و دخلو.
محمد جاي يجري على سلمى.
ممتو مسكتو و بتحذير: والااا براحه عليها هي لسه تعبانه خليها متصلبه علشان عندها جامعه و امتحانات.
محمد بضحكه: حاضر و طلع يجري عليها و حضنها جااامد.
سلمى بضحك عليه: عامل ايه ياض وحشتني و بعدين ماجتش ليه تزورني في المستشفى حسابك معايا بعدين.
محمد نظر لآسر و قال: مين ده؟!
قرب عليه آسر و شالو: ازيك ي صغنن؟
محمد: الحمدلله بس انت مين؟!
آسر: انا آسر ي سيدي و........ حكالوا كل حاجه.
محمد بإبتسامه: انا حبيتك اووي بصراحه مش هكدب عليك و عايزك كل يوم تيجي تشوفني و اوعااا و رفع صباعوا تنسى الشوكولاتة.
آسر بضحكه جذابه رجوليه أصارت إعجاب سلمى و تذكرت انه كان يفعل بالماضي كذلك: طبعااا هاجي كل يوم و اجيبلك شوكولاته.
سلمى: محمد كده عيب انزل يلا روح لماما.
نزل محمد و بصلها بطرف عينو و قال: ماااشي.
آسر ضحك عليهم.
آسر: طيب أستأذن انا بقا.
جت نورا و معاها قهوه: على فين لسه بدري و جبتلك كمان القهوه اللي كنت بتحبها من إيدي.
آسر بإبتسامة هادئة: مره تانيه انشاء الله علشان هتأخر على الشغل.
نورا: طب حتى اشربها و امشي.
آسر: مش هينفع والله انا نفسي اقعد بس بابا مش بيعرف يعمل حاجه من غيري لازم اكون موجود هناك هاجي تاني قريب إن شاء الله.
نورا: تمام على راحتك ي حبيبي خلي بالك من نفسك.
مشى آسر و الكل اتجمع حوالين سلمى.
خاله سلمى بغمزه لسلمى: بس مين الواد المز ده 😂
نورا خبطت اختها: ده آسر ي بت كان جارنا و سافر.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في شركه الكيلاني.
آسر دخل الشركه و كان كل الموجودين بيبصولو بإعجاب ظاهر جداا عليهم بس طبعا هو مش مدي اهتمام لحد خاالص.
آسر للسكرتيره و بحده: دخليلي بسرعه الورق بتاع الثفقه اللي عليها الدور.
السكرتيره بسرعه: حاضر ي فندم حالا يكون عندك.
دخلت السكرتيره الورق لآسر.
آسر في نفسه: الثفقه دي مش هتم غير بمتدربين و لازم يكونو طلاب جامعه كمان.
آسر اتك على زرار جنبو: السكرتيره جت عايزك ترني على علي بسرعه محتاجوا ضروري.
السكرتيره: امرك ي فندم.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند سلمى في البيت.
سلمى: الو ي ملاك عامله ايه.
ملاك: الحمدلله ي لومه انتي عامله ايه.
سلمى: الحمدلله تعرفي مين اللي وصلنا انهارده؟
ملاك: مين؟!
سلمى بفرحه: آسر
ملاك بإستغراب: آسر بجدد!! طب مارنتيش ليه عليا اخد عربيه بابا و اوصلكم؟!
سلمى: مارضتش اعذبك معايا و بعدين احنا نزلنا لقيناه قدامنا و اصر انو يوصلنا و كان عايز يشوف بيتو كمان هنقولو لا يعني.
ملاك: اكيد لا يعني طلع ذوق بصراحه و بعدين مالك ي بت ماتجمدي كده هو علشان رجع بقا مش هتبقى على بعضك اتقلي شويه.
سلمى بخجل: ايه اللي انتي بتقوليه ده يابنتي مافيش من الكلام ده و بعدين كنا صغيرين و مراهقين لكن دلوقتي فركنا اتغير عن زمان كتيررر.
ملاك: معأني مش حاسه الكلام ده و مش مصدقاه بس ماشي.
سلمى بضحك: طب مش مصدقاه و قولنا ماشي لكن مش حاسه ده ايه؟!
ملاك بضحك هي كمان: مش حساه مش داخل عقلي ولا قلبي كده لازم الكلام ده يتفهم بالاحساس كده يعني.
سلمى: انتي فاهمه انتي بتقولي ايه؟!
ملاك بضحكه: بصراحه لا 😂
و فضلو هما لتنين يضحكو وبعدين....
ملاك: يلا ي بت اسيبك ترتاحي هتيجي الجامعه بكره ولا لا؟
سلمى: بفكر افضل بكره في البيت حاسه إني تعبانه شويه روحي انتي و قوليلي المحاضرات كانت ايه و لو في اي جديد ولا حاجه.
ملاك: اوك ي لومه ي لا باي.
سلمى: سلام.
و نامو...
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند آسر في الشركه.
آسر: لازم ي علي نبعت للجامعه إن احنا محتاجين ناس تنزل تدريب اللي هما اخر سنه علشان لو كويسين ناخد منهم لما يتخرجوا هينفعونا كتير.
علي: تمام هبعت اول ما اروح إن شاء الله ماتقلقش يلا تصبح على خير انا مروح هتيجي؟!
آسر: اه يلا جاي.
كل واحد وصل بيتو
و الكل طلع نام.
تاني يوم الصبح.
ملاك: بابا ماما انا ماشيه عايزين حاجه؟
مامه ملاك: لا ي روحي سلامتك.
ملاك سلمت على بباها و مشت.
ملاك راحت الجامعه و قابلت شمس.
ملاك سلمت على شمس و قالت: ايه ي بت كل ده سفر انتي ماعرفتيش اللي حصل لسلمى ولا ايه!؟
شمس بإستغراب: لا ماعرفش ايه اللي حصل قولي ي بت وترتيني.
ملاك: ماتصبري هو انتي مدياني فرصه اتكلم لوك لوك لوك ايه فصلتيني.
شمس بضحكه: خلاص خلاص قولي.
ملاك: و حكت لها كل ما حدث.....
شمس بحزن: والله ماكنتش اعرف و كمان كنت قافله الفون بصي اول ما نخلص محاضرات هكلم ماما و قولها نروح لسلمى.
ملاك: تمام يلا بينا نلحق المحاضره.
دخلو المحاضره و دخلهم الدكتور و معاه علي.
علي بحده: لو سمحتو محتاج الكل يسمعني.....
علي: احنا محتاجين لشركتنا... طبعا عارفينها و الكل اتصدم لما سمع اسم الشركه لان الكل بيحلم انو يشتغل فيها.
و اكمل حديثه و قال: يدربو عندنا و اللي هيعجبنا شغلو و اهتمامو هنوظفو عندنا و بمبلغ كويس طبعا و شكرا ليكم.
و بعد مرور وقت الكل خلص محاضراتو.
شمس كلمت مامتها و ملاك نفس الكلام و راحو لسلمى.
سلمى و هي بتفتح الباب: ايه ده شمس مش مصدقه نفسي جيتي امتاااا ي بت وحشتيني خالص.
شمس: لسه امبارح بليل و يادوب لسه عارفه من ملاك الموضوع و قولت لازم نيجي و كمان عندنا مفاجأه ليكي....
لمتابعه باقي فصول الرواية اضغط هنا 👇
