روايه القدر الفصل الرابع 4 بقلم ملك ياسر الشرقاوي
الفصل الرابع.روايه(القدر).
آسر الصدمه بقت مسيطره عليه لما شافها هو و بباه.
آسر قرب منها و قال: اذيك عامله ايه دلوقتي.
سلمى بتعب: الحمدلله.
محمود هو كمان سلم عليها و اطمن عليها كمان.
محمود لنورا و سلمى: احب اشكركم جداا على موقفكم ده و أنكم مارضتوش نتبهدل بين المحاكم.
نورا: حصل خير ي فندم و بعدين انا اللي عايزه اشكر آسر جداا على موقفوا ده و جدعنتوا معانا.
محمود أبتسم إبتسامه هادئه و قال: عن أذنكم احنا علشان المدام قلقانه جداا على آسر و انا ما قولتلهاش حاجه علشان ماتتعبش.
نورا: اه اطبعا تقدرو تتفضلو.
و طلعو و احمد دخل.
أحمد: ايه ي لومه قومي كده يلا و شدي حيلك ماتخوفيناش عليكي.
سلمى بضحكه: ملاك لو سمعتك وانت بتقول لومه هتزعلك.
أحمد بضحك: لا ماتقلقيش مش هقول قدامها😂
الدكتور دخل: القمر بتاعنا عامل ايه دلوقتى.
سلمى بخجل: الحمدلله كويسه هو انا هطلع امتااا.
الدكتور: يومين و هتطلعي إن شاء الله.
سلمى بزفير: لا انا مش بحب المستشفيات ممكن اطلع الصبح و انا اوعدك هاخد العلاج و ههتم بنفسي كويس بس طلعني من هنا.
الدكتور: مش هينفع لازم تفضلي هنا اقل حاجه يومين تحت الملاحظة نطمن عليكي و بعد كده اطلعي براحتك.
و بعد نقاش كتيررر من سلمى للدكتور مامتها قالت: خلاص ي سلمى اسمعي الكلام و ماتتعبيش الدكتور وانا هفضل معاكي على طول متخافيش.
و اخيرا اقتنعت سلمى و قالت: ماشي.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في ڤيلا الكيلاني.
آسر و محمود دخلو.
بسمه مامة آسر: انتو كنتو فين كل ده و سيبتوني انتو لتنين و مشيتو فجأه.
محمود حكالها كل اللي حصل.
محمود:...... وبس كده ي ستي...
بسمه: ي نهار ابيض.
آسر: الحمدلله عدت على خير ي ماما تصبحوا على خير انا طالع مش قادر تعبت.
و طلع و سابهم.
بسمه: بس والله طلعت هي و بنتها ذوق لو حد تاني مكانوش سابوكم في حالكم.
محمود: اه والله عندك حق الحمدلله عدت على خير و عوضتهم عن اللي حصل.
محمود خد مراتو و طلعو هما كمان ينامو.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في الصباح عند سلمى في المستشفى فاقت على ضوء الشمس اللامعه.
تحت عند الممرضه.
البنت: لو سمحتي في بنت عملت حادثه أمبارح هي في أوضه كام لو سمحتي.
الممرضه:...
البنت: شكرا.
سلمى تفاجأت لما دخلت عليها و هي بتعيط و بتجري عليها.
البنت بعياط: كده برضو ي لومه تخضيني عليكي و عماله أرن عليكي لما روحت و ارن على طنط اطمن عليكي ماحدش يرد و لما صحيت رنيت على احمد و هو قالي كل اللي حصل و قامت حضنتها جااامد و هي بتعيط.
اكيد عرفتو دي مين من كلمه لومه😂
سلمى: اهدي ي ملاك مافيش حاجه حصلت لكل ده دي حادثه بس مش اكتر 😂 خربوشتين كده على الماشي.
ملاك بصدمه من طريقتها: على طول كده شايفه كل حاجه تافهه و بتاخديها ببساطه و مش هامك زعل ولا خوف حد عليكي على العموم مش وقتو دلوقتي الكلام ده.
سلمى بضحك على صاحبتها: كل ده و مش وقتو دلوقتي الكلام ده 😂 هتشليني ي بنت ايجبت.
نورا صحت على صوتهم: بس ي بت انتي و هي هقوملوكو انتو حرين.
ملاك جرت عليها: اذيك ي نونو عامله ايه.
نورا حضنتها: الحمدلله ي حببتي انتي عامله ايه.
ملاك و هي تمثل و تتصنع الزعل: انا زعلانه منك ي نونو كدهو مش تقوليلي ان سلمى عملت حادثه كنت جيت عيطت معاكو شويه و ضحكتكو بدل الكئابه دي 😂
كلهم ضحكو و احمد جه و جاب فطار.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في ڤيلا الكيلاني.
آسر: صباح الخير.
الكل: صباح النور.
نورين نازله من على السلم: صباح الخير عاملين ايه ي حلوين.
بسمه: الحمدلله ي قلب ماما رايحه فين كده.
نورين: دايما يارب. رايحه الجامعه.
آسر: يلا سلام انا.
محمود استنا خدني معاك.
آسر: انا مش رايح الشركه.
الكل بإستغراب: أمال فين؟!
آسر و هو حاطت ايدو على رقبتو: احم المستشفى أطمن على البنت الغلبانه اللي هناك دي.
بسمه: انا عايزه اجي معاك ده واجب برضو.
نورين واقفه مش فاهمه حاجه: ايه ي جماعه مستشفى ايه و بنت مين و هاجي معاك و واجب و مش واجب انا مش فاهمه حاجه؟؟!
آسر حكالها اللي حصل.....
نورين: اهااا حمدلله على سلامتها عن أذنكم انا بقا هتأخر على المحاضره.
آسر اخد مامتو و راحو المستشفى.
آسر بيخبط على الباب فتحلو احمد و سلم عليه و اعتذرلو على اللي حصل منو امبارح.
و دخلو عند سلمى.
نورا كانت مصدومه لما شافتهم امبارح بس لما شافتهم انهارده اتصدمت اكتر بس كانت فرحانه جدااا انها رجعت شافتهم تاني.
بسمه هي كمان كانت مصدومه و في نفس الوقت فرحانه هي كمان.
بسمه و نورا سلمو على بعض و كأنهم يعرفو بعض من سنين.
أحمد : هو انتو تعرفو بعض ي ماما.
نورا بإبتسامة: طبعا دي بسمه صاحبتي و جارتي و عشره عمري كمان و اكيد آسر كان مصدوم امبارح لما كان بيشبه عليا و على سلمى.
سلمى بإستغراب: انا برضو حاسه إني اعرفهم مين دول ي ماما فكريني بيهم.
الكل قعد و بقت نورا تشرحلهم...
نورا: دي خالتك بسمه اللي ربتك وانتي صغيره و كنتي دايما تلعبي انتي و آسر وانتو صغيرين كنتو عشره عمر بس بعد كده هما سافرو لندن و من بعدها ماعرفتش عنهم حاجه و حتى رقمهم ماعرفتش اجيبه بس مبسوطه جداا إني شوفتهم تاني.
بسمه: وانا كمان والله ي حببتي ❤
آسر بإبتسامة: علشان كده حضرتك مارضيتيش تعملي محضر و قفلتي على الموضوع صح؟؟
نورا بإبتسامة هادئة: لا ي حبيبي مش صح حتى لو حد تاني و محترم زيك كده و باين عليه ابن ناس و متربي و كان تعبان من الشغل اكيد كنت عملت نفس الموضوع معاه.
بسمه: هاتي رقمك ي نورا علشان نبقا على تواصل على طول.
نورا: طبعا ي حببتي و ادتها الرقم.
ملاك فونها رن: عن أذنكم هرد على ماما.
نورا: اتفضلي ي بنتي.
و الكل قام مشى و بقو بليل و نورين رجعت من الجامعه و تاني يوم الصبح الدكتور سمح لسلمى تخرج.
نورا و سلمى و احمد بيلمو الحاجه علشان هيمشو.
نورا: يلا ي احمد شوف الحساب كام علشان نمشي و ادفعو خد الفلوس اهيه.
تحت عند الممرضه.
أحمد: لو سمحتي عايز حساب اوضه...
الممرضه: مدفوع ي فندم.
احمد بإستغراب: مين اللي دفعوا؟!
الممرضه:....
لمتابعه باقي فصول الرواية اضغط هنا 👇
