روايه قصيرة القامة طويلة اللسان الفصل الثالث عشر 13
بقلم شيماء صبحي
الفصل الثالث عشر ...
رواية🌸 قصيرة القامة طويلة اللسان 🌸
#بقلم_شيماء_صبحي
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
هادي دخل مكتب المدير وأول مشاف المدير قال بإبتسامه" اريد التبرع بمبلغ ٢٠٠ ملوين دولار؟
المدير وقف من الصدمه اول ماسمع المبلغ وروزي اول ما سمعت المبلغ وقعت مغمي عليها!!
هادي حط الشنط بسرعه علي الارض وقرب من روزي والمدير نده علي رجل الامن يجيب الدكتور علي مكتبه وهادي حاول يفوق روزي والي كانت مش راضيه تفوق لحدما ماهدي شالها وحطها علي الكرسي واخد مايه من المدير وهوا بيرشها علي وشها وهيا بدأت تفوق بهدوء واول ماشافت هادي ابتسمت ولاكنها لما افتكرت السبب الي خلاها يغمي عليها قالت بصدمة " هادي ماذا تفعل !
هادي بص للمدير وقرب منها همس في ودنها انه هيشرحلها بس لما يخرجوا من هنا !
روزي وقفت وهيا بتقول بغضب" لم اوافق علي ما تفعله"
هادي بص للمدير ومسك روزي وقفها وراه وقال" المبلغ امامك سوف اذهب لان صديقتي متعبه!!
المدير واقف وهوا مش قادر يستوعب الرقم الي قاله هادي ولا يستوعب الي بيحصل قدامه"
هادي شال روزي وخرج من المكتب وكان الدكتور وصل الي هيساعدها ولاكن هادي قال انها بقت بخير"
المدير خرج وراهم وهوا مستغرب حالتهم الغريبه ولاكنه رجع مكتبه وفتح الشنط واتصدم انها دولارات حقيقيه ""
مسك التلفون وبلغ المسؤلين عن الدار وقالهم علي المبلغ الي جالهم في التبرعات النهارده وهما اتصدموا وسألوه عن إسم المتبرع وهوا شرحلهم انه كان مستعجل ومقلهوش اسمه !!
المسؤلين قفلوا معاه وهوا فضل مصدوم ومش مصدق ان في شخص طبيعي يتبرع بكل المبلغ دا!!
هادي وخرج من البني وهوا بيبص للاطفال بابتسامه وروزي كانت عماله تقول" انزلني هادي !!
هادي نزلها وهيا بدات تقول بصدمه"" ماذا تفعل بحق الجحيم هل جننت... هل يوجد شخص عاقل يتبرع بهذا المبلغ!!!
هادي ابتسم وهيا اتجننت من سكوته دا ولاكنه قالها ان في مبلغ هوا حطه في البنك وكان مبلغ مش كبير جدا بس هيساعدهم في مصر !!
روزي ابتسمت ان لسا في فلوس معاهم وقالت" حسنا ولاكن لم اسامحك علي هذا المبلغ الذي تبرعت به "
هادي قال " هؤلاء الاطفال يستحقون الاكثر وانا فعلت الشئ الصحيح ولا تقلقي سأعطيكي المبلغ الذي تريديه!
روزي بصتله بأعجاب وسكتت وهوا اخدها وركبوا العربيه واتجه للفندق الي هيقعدوا فيه وبعد وقت وصلوا وحجز هادي غرفتين وطلعوا الاتنين علشان يرتاحوا"
___________
وفي مصر وبالتحديد عند الشباب كانو قاعدين مع بعض في شقة قمر " وفي المطبخ كانت قمر بتجهزلهم الأكل هيا وسهر ...بعدما راحوا لمطعم اقترحوه الشباب ولما قمر شافت المنيو وقرأت الاسعار طابت منهم يمشوا علشان الفلوس الي معاهم مش هتكفي!!
محمد كان قاعد جمب عيدالله وبيقول " ليه بق بتشوقنا وبعدين ترجع في كلامها!!
عبدالله ضحك وقال" احنا المفروض نحمد ربنا اننا هناكل اصلا 'وبعدين هيا بصراحه عندها حق هيا ايه الاسعار دي ...دي الوجبه الواحده سعرها ثمن مرتب اسبوع كامل!!
محمد هز راسه وقال" عندك حق بس احنا قلنا اخيرا هندوق الاكل الي وحشنا بس يخساره بق!
عبدالله ضحك ومسك ايد محمد وقال تعالي نشوفهم بيعملوا ايه جوه بقالهم ساعتين!!!
محمد هز راسه وقام معاه وعدو من فوق خالد وسعيد الي كانو نايمن من التعب"
سهر كانت بتقطع البصل وهيا بتعيط وقمر بتعيط معاها وهيا مش شايفه الي الي هيا بتعمله من البصل"
عبدالله ومحمد دخلوا وهما بيقولوا بجوع" ها الأكل خلص ولا لسا"
قمر مسحت دموعها وقالت" لسا وبعدين ايه الي جابكو هنا اطلعوا برا"
محمد عينو دمعت من البصل وبص لعبدالله بعياط هو كمان وقال" ايه الي بيحصل دا!!
عبدالله بصلهم وقال" معقول مش عارفه تقطعي شويه بص يا سهر"
سهر بصوت عالي" تعالي قطع انت وووريني شطارتك"
عبدالله قرب منها وهوا بيبصلها بسخريه " هاتي يا اختي وانا هوريكي الرجاله بتعرف تعمل ايه!
محمد مسح دموعه وهوا بيبص عليه واول ما عبدالله مسك السكينه وقطع شويه مبقاش شايف ودموعه بدأت نزل ...وقف وهوا بيقول بغضب " دا شغل بنات انا مالي انا تعالا يا محمد خلينا نطلع برا!!
محمد ضحك عليه وقمر قالت بسخريه" بعد كدا متقولش الكلمه وانت مش قدها !!
عبدالله عمالي يغمض عينه وبعدها فتح عينه وهوا بيقول" انا كنت عايز اساعدكم اصل بقالكوا كتير بتعملوا الكل والشباب نامت من التعب!!
قمر هزت راسها وقالت" ١٠ دقايق والاكل يكون جاهز"
محمد بصلها بإستغراب وقال" هتعمليها ازي دي انشاء الله"
سهر بصتله وقالت بسخريه " دا شغل بنات بق مينفعش نقول علي السر بتاعنا !
محمد بصلها بابتسامه وهز راسه وهيا بصت لقمر وقالت" خلينا يلا نوريهم ازاي الاكل هيخلص في عشر دقايق ،،
قمر بصت للشباب بتحدي وطلبت منهم يخرحوا ويجهزوا السفره وهما هيجوا وراهم علي طول"
عبدالله اخد محمد وخرجوا وهما مش مصدقين انهم هيخلصوا الاكل في عشر دقايق فعلا""
محمد بص لخالد وسعيد وقال" قوموا ياشباب الاكل جهز خلاص.
سعيد قال بإستغراب" اخيرا خلصوا بقالهم ساعتين بحالهم بيعملوا اي كل دا ""
خالد قال بهمس" اسكت ليسمعوك احنا مش ناقصين"
سعيد ضحك وقام وهوا بيمسك ايد خالد وبدأو الشباب يوضبوا السفره وفعلا خرجت سهر وقمر وهما شايلين الصواني الي فيهاا الاكل "
محمد بص لعبدالله بصدمه وبعدها البنات ضحكت علي سذاجتهم وبصوا لبعض وابتسموا"
سهر قعدت جمب قمر وبدأو كلهم ياكلوا وعبدالله قال " عارفين القعده دي ناقصها ايه"
الشباب بتساؤل "ايه"
عبدالله" الواد هادي كان نفسي يبق معانا اوي !!
قمر قلبها دق اول ما سمعت إسم هادي وبصت لعبدالله وخالد كان متابع ملامحها ولاحظ انها اتغيرت اول ما سمعت اسم هادي فحس بضيق ولاكنه بص في اكله وبدأ ياكل في سكوت وسعيد قال" عندكوا حق بس انا مش عارف هوا ليه محاولش يتصل بينا طول الفتره دي!!
قمر كانت بتسمع كلامهم وساكته ومحمد قال " ممكن يكون مشغول او غير رقمه الله اعلم""
سهر كانت بتبص لقمر ولاحظت تغير ملامحها الملفته فنبهتها انها تغير الموضوع وقمر ابتسمت وهيا بتقول" اي رئيكوا في الاكل يا شباب"
محمد قال بابتسامه" والله تسلم ايديكوا"
قمر بصتله بابتسامه وقالت" علي فكره بق سهر هيا الي عملاه !
محمد بص لسهر وابتسم وقال" تسلم ايدك يا انسه سهر "
سهر خجلت ولاكنها ردت عليه بصوت لطيف وقالت" الله يخليك"
عبدالله وسعيد بصوا لمحمد ولاحظوا نظراته لسهر وضحكوا لبعض لحد
ما محمد انتبه لنظراتهم وضرب عبدالله في رجلة وهوا مسك ضحكته وقمر كانت بتبص لخالد الي كان ساكت و قالت" ملاحظة ان الاكل مش عاجبك يا خالد!
خالد انتبه لكلام قمر وقال " لا الاكل جميل تسلم ايديك"
قمر ابتسمت وهوا بصلها ورجع كمل اكل في صمت وهيا همست لسهر وقالت" شايفه الولا محمد بيبصلك ازاي"
سهر ابتسمت وقالت" بيخليني اتكسف من نظراته دي والله"
قمر بصتلها وضحكت وبصت لمحمد والي بص في اكله بحرج وبعدها كملوا اكلهم ودخلت قمر وسهر علشان يغسلوا المواعين والشباب طلعت شقتهم وعبدالله روح بيتهم وفضلت قمر وسهر في الشقه وقالت سهر" انا همشي بق علشان ابويا ميقلقش عليا!!
قمر ابتسمت وهزت راسها وبعدها سهر عدلت حجابها وسلمت علي قمر وخرجت من شقتها ونزلت علي السلم وهيا مبسوطه انها قضت يوم حلو مع قمر واصحابها ولاكنها لاقت محمد واقف عند الباب ابتسمت وقالت" انا همشي بق تصبح علي خير"
محمد قال بتوتر" تسمحيلي اوصلك علشان الوقت اتأخر !!
سهر بصت في الساعه وكانت لسا تسعه ولاكنها مردتش تحرجه وهزت راسها بالموافقه وهوا ابتسم ومشي جمبها علشان يوصلها لمنطقتها وفي الطريق كان بيبص عليها وهوا حاسس بمشاعر حلوه ولاكن مكنش عارف يتكلم معاها !
سهر كتنت مبسوطه باهتمامه ليها وكانت حاسه انه اكيد حاسس بمشاعر زي ما هيا حاسه بالظبط !!
وصلوا عند المنطقة بتاعت سهر وقبل ما تدخل الشارع الي ساكنه فيها لمحت ابوها واقف مستنيها قالت بتوتر" خلاص ارجع انت ملوش لازم توصلني قدام الباب"
محمد قال بإستغرابك هو في حاجه ولا ايه!
سهر قالت بخوف" ايويا واقف مستنيني وانا خايفه لو شافك معايا ممكن يض"ربني اصله المنطقة هنا شعبيه زي من شايف والحجات دي بتبق مش مقبوله ؟؟
محمد بصلها بتفهم وهز راسه ومشي وهيا اخدت نفس طويل ودخلت للشارع ولاقت ابوها كان واقف وبيقول" اتاخرتي كدا ليه يا سهر"
سهر قالت بهدوء " معلش يا ابا اصل قمر عزمتني عندها علي العشا وانا اكلت معاها ويدوبك خلصنا اكل جيت علي طول "
ابوها هز راسه وقال" طيب يلا ادخلي علشان ترتاحي"
سهر هزت راسها وابتسمت ودخلت للبيت وطلعت علي اوضتها وهيا حاطه ايديها علي قلبها ولاكنها قبل ما تغير هدومها سمعت صوت خبط جامد علي الباب فتحت الباب بقلق ولقت مرات ابوها واقفه وهيا بتبصلها بنظرات مش حلوه وبتقول" الست هانم كانت فين انشاء الله !!
سهر اخدت نفس طويل وقالت" كنت عند قمر صحبتي"
مرات ابوها حطت ايديها في وسطها وقالت" واحنا مورناش غير قمر بتاعتك دي بق ولا ايه"
سهر بنفاذ صبر" عايزه ايه مني يا مرات ابويا!!
مرات ابوها قربت منها وقالت" انا مش الخدامه الي ابوكي جبهالك ...علشان اغسلك هدومك...روحي اغسلي الهدوم الي متكومه بقالها اسبوع دي..
سهر بصتلها بتعب وقالت" انا راجعه من الشغل النهارده تعبانه متخلي ريم تغسلهم"
مرات ابوها قالت بصوت غاضب" ريم عندها مذاكره ومش فاضيه ومتنسيش انها في الكليه يعني المفروض تركز في دراستها بس .. انما انتي موراكيش حاجه غيرالسرمحه مع صحبتك قمر !!
سهر اتعصبت وقالت" انا بشتغل علي فكره وبصرف علي البيت دا وانا قولت اني تعبانه ومش قادره"
مرات ابوها شدت"ها من شعرها بقوة وقالت" لا مهوا انتي مش هتمشي كلامك عليا!!
سهر فضلت تصرخ بآلم وهيا بتنادي علي أبوها ينقذها من تحت ايد مراته ولاكنه للاسف كان نايم ومسمعش صراخها"
سهر كانت بتعيط ومرات ابوها سحباها من شعرها لحدما وصلت للمطبخ وهيا بتقول " الغساله اهي هتغسلي كل الهدوم ...يا اما ورحمة امك الي مكنتش بطيقها اخلي ليلتك سوده!!
سهر بصتلها بكره وقالت" انا هعرف ابويا علي الي بتعمليه معايا دا!
مرات ابوها ضر"بتها بالقلم وقالت" وانتي فاكره ان ابوكي بق هيغلطني ويقف في صفك !!
سهر بصتلها بكره ومرات ابوها قالت" الهدوم دي لو متغسلتش مش هتنولي مني غير الشب"شب وانتي عارفه!!
سهر فضلت تبص للهدوم بقهر وهيا بتعيط وبتقول" ربنا ينتقم منك!!
قربت من الغساله تشغلها لاقتها مش شغاله فقالت بتعب " الغساله مش بتشتغل"
مرات ابوها " ايوا منا عارفه مهيا بايظة ""
سهر بصدمه" يعني هغسل كل دا علي ايدي !!؟
مرات ابوها هزت راسها وسابتها ومشت وبعدها سهر وقفت تبص علي الهدوم بحزن ..
مسكت الطبق الكبير الي هتغسل فيه وبدات تغسل الهدوم بتعب وهيا بتعيط علي حظها وبعد وقت وهيا بتغسل هدومها عدت من قدامها ريم بنت مرات ابوها وهيا ماسكه فنجان القهوه الي كانت بتشرب منه وبتحطه علي الحوض بغرور وبعدين قربت من سهر ولما شافتها قعده بتغسل الهدوم علي ايديها قالت بحزن" اي دا يا سهر هي الغساله بايظه!
سهر بصتلها ومردتش عليها .. ريم اتعصبت من تجاهلها ليها فدخلت اوضتها ورجعت بعد دقايق وهيا ماسكه هدوم كتير وبتقول" معلش يا سهر هتعبك معايا بس اغسليلي دول معاكي اصلي هروح بكره الكليه ومحتاجه اروح بالطقم دا !!
سهر بصتلها بصدمه وقالت" والباقي دا ايه"
ريم بحزن" دول البيجامات بتوعي اصل كلهم عايزين يتغسلوا معلش هتعبك معايا"
سهر سكتت وريم حطت الهدوم ودخلت للمطبخ تاني اخدت كباية عصير وعدت من علي الهدوم اللي سهر غسلتها بشب"شبها وهيا قاصده تعمل كدا بصت لسهر وهيا بتشرب العصير بطريقه مستفزه ومشيت وسهر فضلت بصلها بكره وبصت علي الهدوم الي اتو"سخت وقالت" ليكي يوم يا بنت الحيبزونه 'هاخد حقي منك بس بطريقه تقهر اكتر ""
بدات تغسل الهدوم وهيا بتدعي ان ربنا ينصرها وتخرج من البيت دا قبل ما يجيلها اي مرض من الي بتشوفه منهم ودعت ربنا يجبلها حقها من ريم وامها الي فاكرين ان مفيش حد قادر عليهم ولاكن ربنا قادر عليهم وقادر يردلها كرامتها ؟؟؟؟
_________________
تاني يوم في ايطاليا!!
صحي هادي علي صوت خبط علي الباب قام يفتح الباب وكان عار"ي الصدر
روزي كانت واقفه وهيا جاهزه ومستنياه يفتح اول ما فتح الباب وشافته من غير التيشرت فضلت واقفه مكانها وبتبصله ...
هادي انتبه انه واقف قدامها كدا فـ قال " صباح الخير روزي ادخلي!!
روزي دخلت وهيا علي ملامحها الانزعاج وهوا قفل الباب وقرب من السرير واخد التيشرت لبسه وكانت روزي متبعاه واول ما خلص بصلها بنص عين وقال" ما الاخبار!!
روزي قالت بضيق" الطائرة بعد ساعه !
هادي هز راسه وبدأ يجهز نفسه وهيا متبعاه وساكته بعدما خلص قرب منها وهوا بيم"سكها من دراعها وبيقول" يلا قومي!
روزي مكنتش راضيه تقوم ولاكنه شدها وقال" قولت لك سادفع كل ما تحتجينه !!
روزي مردتش عليه وقامت مشيت وهوا مشي وراها ونزلوا تحت وهما بيبلغو الاستقباال انهم ماشين واخدو هوياتهم وقبل ما يخرجوا وقفهم الشاب الي واقف في الاستقبال وهوا بينده عليهم "" مستر مارك""؟
وهادي نتبه ليه والشاب قرب منهم وادالهم رساله وهوا بيقول " هذه الرساله وصلت صبا اليوم بأسمك مستر لمارك "
هادي استغرب ولاكنه اخد الرساله وشكر الشاب وبعدها خرجوا من الفندق روزي كانت بصت للرساله باستغراب وهادي حطها في جيبه وهوا مستغرب ايه هيا الرساله دي!!!
ركبوا العربيه وقرر هادي يفتح الرساله واول مقرأها اتصدم من الي مكتوب"
روزي اخدت الرساله وقرأتها واتصدمت لما عرفت ان جون ورجالته كلهم وألكسندر ورجالته ماتو!!!
قالت بصدمه " جين !!
هادي بصلها وقال" هل تفكرين به الان"
روزي هزت راسها بحزن وهادي قال" الان لدينا موعد الطائرة يا روزي""
روزي قالت وهيا بتطلب منه يوقف بالعربيه" اقصد هذه الرساله من جين !!
هادي بصلها باستغراب وقال "ماذا ..؟
روزي نزلت من العربيه وهيا بتبص حواليها بتدور علي جين وهادي نزل وراها وهوا مستغرب ازاي جين دا عرف مكانهم"
روزي ندهت بصوت عالي " جييين اين انت اخرج الان !!
هادي فضل واقف ومستغرب الي بيحصل لحدما شاف الرائد حسن ومعاه الفريق وجمبهم شاب طويل وكان شكله مختلف عنهم وبيقربوا منهم "
روزي اول مشافت جين جريت عليه بعدم تصديق وجين اخدها ف حض"نه وهوا مش مصدق انه اخيرا شافها"
الرائد حسن قرب من هادي الي كان واقف ومش مستوعب لسا الي بيحصل لحدما انتبه ليه،..'
الرائد حسن قال وهوا بيتفحص جسم هادي " انت كويس يا هادي في اي اصابات "
هادي بصله وهز راسه بلأ وهوا بيقول" انا كويس مفيش اي حاجه انت والفريق كويسين!
حسن هز راسه بأيوا وحض"نه بفرحه والفريق سلم عليه وقال حسن" انت عارف انك بقيت حديث الداخليه كلها الفترة الي فاتت دي كنا قلقانين عليك جدا"
هادي ابتسم وقال" هو ايه الي حصل انا بعدما خادني جون و بعتني هنا انا وروزي معرفش اي حاجه بعدها !
حسن هز راسه بتفهم وقاله انا عارف كل حاجه وشرحله عن الي حصل في جون وألكسندر""
هادي قال بحزن" ربنا يرحمهم !!
هادي قال" والمقدم شادي وبقيت الفريق كويسين !! والجوكر عملته ايه فيه !
حسن قال " المقدم شادي اخد اجازه وهوا كويس الحمد لله وفريقه برضوا مويس وانا الجوكر فهوا مات ؟؟
هادي بصله بحزن علي مل الي حصل وفضل واقف وهوا مستني يشوف هيعمبوا ايه!!؟
حسن قال وهو بيبص علي روزي" هوا انتو كنتو رايحين فين"
هادي قال وهوا بيطلع الهوية بتاعت مارك" كنا هنسافر مصر وطيارتنا كانت كمان ساعه"
حسن اخد الهوية من هادي وقال بإستغراب " كنت هتسافر بهويته"
هادي هز راسه ولاكن حسن قال برفض" ملوش داعي سفرك بالهوية دي انت هترجع معانا بالطيارة الخاصه"
هادي هز راسه بالموافقه وبعدها جين قرب منهم ومعاه روزي واول مشافهع قال
هادي " روزي سوف اذهب مع الظابط حسن وفريقه في طائرتهم الخاصه لمصر "
روزي بصت لجين ورحعت بصت لهادي وهزت راسها !!
وقالت بابتسامه " انا قررت هفضل هنا وهرجع روسيا مع جين وانت سافر وارجع لحياتك الطبيعيه!!
هادي ابتسم وقرب عليها علشان يودعها وهيا قالت بهمس "كل الاموال التي معك فهيا من الان ملكك!!
هادي قال بضحكه" هل كنت تصدقين حقا بانني اخذت اموال"
روزي بصتله بصدمه وقالت " ماذاااا؟؟؟
هادي ضحك علي شكلها وقال" لقد تبرعت بجميع الاموال امامك روزي !!
روزي بصتله بتفكير وبعدها قالت بضيق" لقد خدعتني للمرة الثانيه هادي!!
جين قرب منهم وسلم علي هادي وروزي بصت لهادي بغيظ وقالت" هذا جين حبيبي وهذا هادي صديقي المخادع!!
هادي ابتسم ليها وسلم علي جين وهيا ضحكت ومسكت ايد جين بفرحه وودعت هادي وهيا بتقول" ساذهب لثالي مصر في زياره قريبا"
هادي شاورلها من بعيد بعدما مشي كام خطه وقال" وانا في انتظارك "
روزي ابتسمت وهادي كان مشي مع حسن وفريقه وركبوا العربيه واتحركوا!!!
وجين ركب هوا وروزي العربيه وهوا بيقول بابتسامه" سوف نذهب الي روسيا وهناك سنقيم زواجنا !!
روزي بصتله بسعاده وقالت" هل تتحدث بجديه جين"
جين ابتسم وقب"لها وقال" هل كنت امزح معك من قبل"
روزي هزت راسها بلأ وهوا اخدها في حض"نه وساق!!!!
_________________
في صباح يوم جديد كان غريب بعض الشئ!!
اطلقت الطائره الخاصة تنبيه عن وصلها ام الدنيا بسلام"
نزل هادي من الطياره برفقة الرائد حسن وفريقه واتصدم من كميه الناس الي كانت واقفه في استقبالهم"
عربيات فخمه والكثير من القوات المسلحه وظباط الشرطة"
هادي بص لحسن بصدمه وحسن ابتسم وهوا بيشجعه علي الي عمله وقاله ينزل وميقلقش !!
هادي نزل وكان اول واحد في استقباله كان اللواء حمدي والي اول مشاف هادي اخده بالح"ضن وبعدها بدأ هادي يسلم علي الوزير وناس كتير رتبه عاليه كان يعرف منهم مش كتير ولاكنه كان فخور بنفسه ومبسوط باللي عمله "
ركب هادي عربية خاصة و كان جمبه اللواء حمدي والي قال" انا وفيت بوعدي ليك وكل املاك عيلتك رجعت ليهم تاني بس انا عندي ليك نصيحه "
هادي بص للواء بإنتباه واللواء قال" انا عايزك انت الي تدير الشركات بتاعكوا وترجعها تاني تقف علي رجليها"
هادي بص للواء بابتسامة ثقه وقال" انا كنت ناوي علي كدا وشكرا علي وقفتك جمبي انا وعيلتي ياسيادة اللواء "
اللواء حمدي ابتسم وقال انا الي بشكرك علي الي عملته علشانا "" وكمل كلامه وقال ان ملوش داعي يروح مبني المخبرات لان خلاص مهمته انتهت "
هادي ابتسم بسعاده واللواء خرج الموبايل بتاع هادي وادهوله وهادي اخده بحماس وفتحه وهوا مصدوم من كمية المكالمات والرسايل الي جاتله "
اللواء طلب من السواق انه يروح لمكان القصر بتاع عائلة هادي"
وفي خلال دقايق وصل هادي للقصر وشكر اللواء و ودخل للقصر وهوا مبسوط لانه اخيرا حس بالامان وكان هم واتشال من عليه !!
اخد نفس طويل ودخل لحوه القصر ولاكنه مصدوم لما شاف حالة القصر "" كان القصر ناقص حجات كثير من العفش وفي حجات كتير متكسره ومقلوبه!!
قرب من أهله بقلق والي كانو يعتبر مش في وعيهم وقال" هو ايه الي بيحصل هنا"
والد هادي انتبه لوجوده ووقف وهوا مش في وعيه وقال" اهلا بابني الي مسألش عليا وعلي عيلته من اربع شهور!!
هادي اتفاحئ من الحالة الي ابوه فيها وبص علي والدته لاقاها نفس حالة والده "
هادي قال بصدمة" ايه الي انتو فيه دا وايه حالتكو دي"
ابوه ضحك بسخريه وقال" احنا خلاص بقينا فقراء ومش لاقيين ناكل!!
هادي مكنش قادر يستوعب الي بيسمعه ولاكنه سمع صوت الحرس وراح يفتح وهوا لسا مصدوم"
كان موجود عميل من البنك وكان معاه اوراق ومستندات وقاله ان كل الاملاك رجعت باسم هادي الجارحي!
هادي اخد الاوراق وشكر العميل ودخل للقصر"
ابوه بص للورق وقال" اي دا الي انت ماسكه في ايدك !!
هادي حط المستندات علي الطربيزه وقال بحزن" دي كل الاملاك رجعت تاني !!!
والده قال بفرحه" بجد يا هادي هات هات اما اشوف بنفسي!
هادي بعد المستندات عن والده وقال" هيا صحيح رجعت تاني بس رجعت بإسمي وبعد اذنك اطلع خد شاور وفوق من الحالة ال انت فيها دي وخد ماما معاك وانا رايح الشركه اشوف ايه الي بيحصل هناك!!! بقلمي شيماء صبحي "يتبع؟؟؟
رواية🌸قصيرة القامة طويلة اللسان 🌸
وعلشان خاطر الناس الي مستنيه مقابلة هادي وقمر🙈 في بارت هديه النهارده 🌸عايزه تفاعل حلو وتعليقات كتير هنا علشان اخلي البارت رومانسي ❤️🙈😂😂😂
بقلم شيماء صبحي
_____________
اكتب في بحث جوجل مدونة الرسم بالكلمات رواية قصيرة القامة طويلة اللسان وستظهر لك كامله
لمتابعه روايه قصيرة القامة طويلة اللسان كامله اضغط هنا
👇
(روايه قصيرة القامة طويلة اللسان )
أو تابعنا على صفحة الفيس بوك
