روايه الكافر الفصل التاني
بقلم رحاب القاضي
هذه الرواية متوفرة فقط علي
لمتابعة الرواية اضغط هنا 👇
( روايه الكافر 👻 )
#الكافر
الفصل الثاني
ــــــــــــــــــــــــــــــــــــــــ
_كنت هتجنن ايه اللي بيحصل ده مش فاهم حاجه
رجعت البيت بسرعه ودخلت اوضتي مسكت الكتاب وفضلت اقرا فيه لوقت كبير، وطلعت الحكايه بتاعته زي الروايه كده، بتحكي عن شاب ابن شيخ جامع بس فجأه بقي بعمل حاجات غريبه تشير انه كافر
الناس فكرته بقي ملحد مثلا بس الحكايه كانت غير كده هو كان بيسجد للشياطين والجن وكان بيعبدهم هما، وكان عايز تبقي ليه قوه كبيره ويحكم العالم كله
الكلام ده حصل من الاااف السنين بعد ظهور الاسلام بوقت قليل، بصراحه الكتاب شدني اووي وعرفت برضو ان الشاب ده بعد اللي كان بيعملو ده الناس كشفته وعرفت حقيقته وابوه لما عرف اخده وحبسه في البيت وكان بيضربه بطريقه عنيفه عشان يبعد عنه الافكار دي
بس الحبسه اللي كان فيها الشاب ده جات في صالحه لانه لقي مكان هادي وما حدش بيدخل عنده فيه وبيقدر يستخدم التعويذات بتاعته عشان يطلع الجن ويخليه يكلمه
وقريت انه قدر يعمل كده وسجد. للجن وفي اللحظه دي بيتهم كله ولع وهو لقي نفسه بره البيت بس ابوه وامه اتحرقو جوه البيت، والناس اتهمته هو اللي عمل كده وانه اول واحد يقتل اهله
وكانو لسه هيعاقبوه بس اللي حصل في البلد كان مرعب الناس كلها اتصابت بمرض يخليهم يمسكو دماغهم ويصوتو وفجاه دماغهم بتنفجر وبيموتو كان المشهد بشع لاكبر درجه ممكنه..
اللي حصل ده خلي الشاب يخااف وكان هيرجع في قراره وانه يطرد الجن ده، بس الناس فجأه خفت مات في اللي حصل ده اكتر من نص البلد، والبشع ان بعد ما الالم خف للنص اللي عاش افتكرو الشاب ده ولي من اوليااء الله وبقيو يسمعو كلامه
وهو استغل ده وبقي ينفذ طلبات الناس وخلاهم كلهم يطمعو في الاكتر واوهمهم بحب الشياطين والا هيموتوو، والكل وافق واللي كان بيرفض يسمع كلامه كان بيطرده من البلد
بس ما كانش يعرف ان كفره هيخسره في الدنيا قبل الاخره وان هو كان ضحية الجن اللي كان بيخليه يقدمله اي حد يسمع كلامه قربان، وطبعا الموضوع ده زود قوة الجن وفي الاخر اتخلصو من الشاب ده وبقيت البلد دي كلها مسكونه بالجن
تعبت من القرايه في الكتاب وكنت هتجنن وعايز اعرف مين اللي كتب الكتاب ده، ووصل للمعلومات دي ازاي، انا اول مره اسمع حاجه عنها.
وقبل ما افكر في اي حاجه تاني سمعت امي بتصوت طلعت بسرعه وروحت اشوف مالها وابويا كمان طلع من اوضته ودخلت المطبخ وسألتها ايه حصل، ردت عليا وهي خايفه جدا وقالتلي
_كنت بعمل شاي وفجأه حسيت بحد واقف ورايو وببص لقيت حاجه سودا وشكلها بيخوف اوي
انا قلقت بصراحه او بالمعني اصح خوفت اووي، وبابا فضل يضحك واخد الموضوع بهزار وقالها ممكن تكون اتهيألها مثلا
انا رجعت اوضتي وكنت قلقان بصراحه من اللي بيحصل ده، طيب ازاي علي مات حصله ايه، غيرت هدومي وبسرعه روحت بيت علي وفتحلي الباب ابوه سلمت عليه وقولتله اني جاي اطمن عليه، وهو ابتسم وقال..
_ربنا يخليك انا خلاص بقيت عايش لوحدي بعد علي وما حدش بيزورني
=ربنا يرحمه، قولي يا عمي هو مات ازاي؟
_انت ما سمعتش يعني من الناس انه انتحر، رمي نفسه من فوق
اتصدمت اكتر من اللي قاله، طيب ايه اللي هيوصل علي انه يعمل كده في نفسه، ده كان يما عنده طموح ونفسه يشتغل ويتجوز، ازاي عمل كده في نفسه
مشيت وكنت تايه اوي ومش عارف اعمل ايه، رجعت البيت بالليل ولقيت امي بتقولي ان في واحده قريبتنا ماتت وهتسافر هي وابويا البلد كام يوم
وروجت وصلتهم للمحطه ورجعت تاني البيت قعدت في الصاله وشغلت التلفزيون وقعدت سرحان في اللي قريته واللي وصلتله وفجأه سمعت صوت حد بيضحك في المطبخ، قومت بسرعه وانا خايف ودخلت المطبخ بس كان فاضي ما فيش اي حد موجود فيه
الصوت كان عالي اوي وكان فعلا جاي من المطبخ، ممكن كان بيتهيألي مثلا، عملت شاي ورجعت تاني قعدت في الصاله وطلعت موبيلي وفضلت اقلب فيه وما حستش بنفسي وانا بنام، وقي الوقت ده ظهر خيال حد عند باب المطبخ واختفي تاني
وبعد شويه صحيت علي صوت خبط علي باب الشقه غالي فتحت عينيا وقومت من علي الكنبه مفزوع ولقيت المطبخ بتاع بيتنا بيولع وحصل؟...
ــــــــــــــــــــــــــــــــــــــــ
#بقلم_الكاتبه_رحاب_القاضي
