روايات حديثة

رواية عذراء في الحب الفصل الرابع عشر بقلم جروح لا تنتهي

 رواية عذراء في الحب  الفصل الرابع عشر بقلم جروح لا تنتهي 



الفصل ال14
عذراء_فالحب 

صباح يوم جديد الكل متجمع على الفطار ما عدا عائشه 
هنيه : وين مرتك يا ولدى 
جواد : اكيد هتنزل دلوقتى 
حنين بصدمه : عيشه 
الكل بص عليها كانت نازله بشنطه هدومها وشايله بنتها 
عائشه بخزن : صباح الخير 
خلف : رايحه فين يا بتى 
عائشه غمضت عيونها وفتحتهم : ماشيه 
هنيه : ماشيه فين يا بتى 
عائشه ؛ لوجع وكسرة بعيد لازم ابعد وطلعت ورقه وعطتها لجواد وبصتله كتير وهو بيبصلها نظرات مش مفهومه واتكلمت : احنا وصلنا لطريق مسدود وانت اللى سديته باديك 
الكل واقف مصدوم من اللى بيحصل ومش عارفين هتمشى لى ولا اى السبب
حنين : طب عرفينا اى اللى حصل 
عائشه : معلش اعذرونى مش عايزة اتكلم كل اللى عايزة اقوله ان شكرا ليكوا بجد عشان وقفتوا جنبى وسامحونى لو كنت زعلت حد منى 
خلف : طب احكيلنا يا بتى 
عائشه : الكلام ملوش لازمه ولا هيقدم ولا هيأخر .وسابتهم ومشت وماشيه وشيلها بنتها والكل واقف مصدوم جواد مسك الورقه وبدأ يقرا اللى فيها
عائشه ماشيه ودموعها بتنزل وبتفتكر الكلام اللى كتباه لجواد وهو واقف والكل حواليه وماسك الورقه 
(اعلم ان هذا القرار سيجعلنى اتعذب كثيرا وفراقى لك يشبه الروح وهى تخرج رويدا رويدا لم استطع ان اكمل وانا ارى نظرات الاتهام بعيونك تقتلنى  نظراتك التى كنت ارى بها الحب الان لا ارى بها سوى ا القسوة والحزن انا سارحل بعيدا عنك لاريحك من عذاب الضمير الذى يراودك كلما ترانى الذى يمنعك من الاقتراب منى 
لم استطيع ان اكمل الحياه التى بدأتها معك وانا اعلم انها ستظل بيننا وسيظل احساسك بالذنب مستمر 
سأذهب من حياتك كما دخلتها حتى لا نجرح بعض اكثر من ذلك تحملت الكثير لاجلك على امل ان تعود لى كما كنت  انت كنت قوتى وسندى كنت امانى لكن الان كل هذا انتهى لم تعد هنا لم تعد معى وبجانبى سأكمل من غيرك تعودت ان اكون وحيدة ودائما اتخيل اسوأ الاحتمالات وفى بدايه علاقتنا وعدتنى انك لن تتخلى ولكنى فرضت اسوأالاحتمالات وحدثت فقد تخليت اعلم انك خسرت كثير لم تخسر زوجه ولكن خسرت ابنك الذى دام انتظارك له ولكن ليس لى علاقه لم اكن اتمنى ان تصل الامور الى هذا الحد  سأرحل وحيدة كما اتيت وحيدة ولن انظر خلفى مرة اخرى حتى لا يؤلمنى قلبى اكثر
اعلم جيدا انى احببتك اكثر من نفسى ولكنك لم تصون هذا الحب ارجوك ارسل اوراق الطلاق لأخى واتمنى ان تكون بخير دائما )
عائشه خرجت وكان حازم مستنيها 
حازم بحزن : انتى كويسه 
عائشه بدموع فى عنيها بصت عالبيت : لا بس هبقى كويسه 
حازم ساق العربيه ومشى
بالداخل 
جواد واقف ومش مصدق اللى حصل 
اوعى
: فى اى يا ولدى اى اللى حوصل 
جواد قعد عالكرسى ووقع الورقه من ايدة وباصص للفراغ حنين مسكت الورقه وقرتها ودموعها نازله 
هنيه بانهيار : لى يا ولدى لى تتركها تروح 
فارس جه وعرف اللى حصل وسمع الكلام اللى كتباه
حنين بصراخ راحت عند جواد: لى يا ابيه حرام عليك دى خدتك سند ليها وقالت طول ما جواد جنبى مش هخاف لى لى هتبقى انت والدنيا عليها 
معاذ حضن حنين : اهدى يا حبيبتى 
حنين بوجع : مشت خلاص راحت 
خلف بحزن: خد مرتك يا معاذ خليها ترتاح شوى 
جواد قام وهو شارد ومشى وفارس نادى عليه بس مردش عليه طلع اوضته وقاعد بيفتكرها وبيفتكر ضحكها وحبها وبيفتكر اجمل اللحظات اللى كانت بينهم وذكرياته وصلته لاخر فترة وتعامله معاها ومحاولاته معاه ورفضه ليه 
فارس دخل عليه : هتعمل اى 
جواد : خلاص هى اختارت طريقها 
فارس: يعنى اى 
جواد بوجع: يعنى كل حاجه انتهت لو فضلت معايا مش هتاخد حاجه منى غير الوجع مش هديها غير الوجع 
فارس : بس هى كانت راضيه 
جواد : وتعبت 
فارس : لما حست انك 
جواد : ان اى يا فارس انا عمرى ما هنسى ان طليقها السبب فى موت ابنى اللى بتمناه من الدنيا 
فارس : انت مش طبيعى انت مجنون دا نصيب 
جواد سكت ومتكلمش 
"*****************#####
عائشه وصلت عند عمتها 
نسرين بدموع : يا حبيبتى وجعتى قلبى ارحمى نفسك شوى حرام عليكى 
عائشه بدموع: لى يا عمتو لى انا انا ما صدقت الدنيا ضحكتلى لى مصرة تاخد منى فرحتى لى 
نسرين بدموع : بس يا حبيبتى محدش يستاهل دموعك دى دموعك دى غاليه غاليه متسمحيش انها تنزل على اى حد اوعى تضعفى اوعى 
عائشه : كان عندى امل يوقفنى يا عمتى وجع قلبى لما سابنى اخرج من بيته قلبى موجوع منه اوى يا عمتى اوى 
نسرين : معلش الخير جى ان شاء الله بس انتى قولى يارب 
عائشه : يارب
#####################
فاسيوط
سهير: يا عينى عليكى يا بتى مش مكتوبلك الفرح ابدا 
رنيم بحزن : ربنا اكيد شايلاها حاجه احسن 
منير بتعب وحزن : لى مرجعتش على بيتها 
معتز: هتقعد مع عمتى مش عايزة تواجه حد او تقابل حد 
سهير بغضب: حسبى الله فيك يا خالد حسبى الله فيك دمرتى حياه بنتى وهى معاك ودمرتها وهى بعيده عنك حسبى الله 
معتز : رنيم جهزيلى شنطتى عشان نازل مصر 
منير : انا هاجى معاك يا ولدى عايز اشوفها 
معتز : بلاش يا حاج بلاش هى مش حمل اوجاع تانى كفايه اللى حصلها وبيحصلها 
منير بوجع : معاك حق وسابهم ومشى 
رنيم بحزن : لى يا معتز لى 
معتز : لو شافته هتنهار اكتر ماهى منهارة لما تهدى 
****************************
مر يومان 
حازم : انا مسافر ياماما بالليل هخلص مشروع وارجع خلى بالك من نفسك ومن عائشه واى حاجه كلمونى 
نسرين : حاضر يا بنى خلى بالك من نفسك 
دخل على عائشه
عائشه : معلش يا حازم خرجتك من بيتك 
حازم ببسمه : عيب يا بت الكلام دة وبعدين انا مسافر 
عائشه : مسافر فين 
حازم : امريكا فى مشروع وطالبين مهندسين وقدمت واختارونى 
عائشه بحزن : هتأخر 
حازم بحزن : ايوة بس انا هكلمكوا كل يوم لو عوزتى اى حاجه اطلبيها منى انتى اختى متنسيش 
عائشه : عارفه عارفه 
حازم : يلا سلام بقه عشان الم حاجتى 
نسرين بحزن: خلى بالك من نفسك يا حبيبى وطمنى عليك 
حازم بحب : ان شاء الله 
####################
مرسنه ونص 
الحال عند عائشه بعد سفر حازم صممت تشتغل بس للاسف قعدت٦ شهور مش لاقيه شغل مناسب ورافضه مساعدة حازم اشتغلت كل حاجه وللاسف الكل كان طمعان فيها وفى جسمها وحزن بيزيد وتعبها بيزيد ودبلانها بيزيد وبتابع اخبار جواد اول باول لحد ما تعبت وقبلت بشغل فى شركه لصديق حازم سكرتيرة 
عند جواد نقل حياته القاهرة وبعد عن قنا وكل مكان بيفكرة بيها او بيجمع ذكريات معاها وكبر شغله وبقى حديث الجرايد ودائما اسمه منشط فالصحف 
*محسن : اتجوز رنا وبيشتغل مع جواد هو وهى وعايشين معاه فالفيلا 
*حنين مع معاذ بس للاسف لسه مخلفتش 
*لين لسه بتحاول تقرب من جواد 
*فارس : ضهرة فى ضهر جواد وبقى زى ضله 
##########################
صباح يوم جديد 
عائشه قاعدة بتفطر بنتها : يلا يا جود هأخر عالشغل 
نسرين : يا بنتى سبيها انا هأكلها لما تجوع
عائشه : يا عمتو منتى عارفه هى بتعمل اى هتغلبك 
التلفزيون كان مفتوح وجت اخبار عليه 
المذيعه : دخول رجل الاعمال الشهير جواد القناوى فى مشروع جديد مع شركات اخرى ويتعهد للجميع ان هذا المشروع شوف يكون مختلف عما سبق من المشريع السابقه وطبعا مع المهندسه لين النجار 
عائشه انتبهت للاخبار وعيونها عليه 
نسرين بتنهيدة : يا بنتى ارحمى نفسك 
عائشه بحزن : وحشنى يا عمتى بملى عيونى منه بصبر نفسى بصورة واخبارة 
نسرين : هو لسه مطلقيش 
عائشه ببسمه : لا لسه مراته 
نسرين : متفرحيش يا حبيبتى لو عايزك كان دور عليكى 
عائشه قامت وبتلم حاجتها : عارفه يا عمتى عارفه 
نسرين : سامحينى يا بنتى انا مش عايزاكى تحطى امل وتصحى على كابوس 
عائشه بدموع بصت لعمتها :انا مش حاطه امل هو وجعنى كتير واتحملت كتير بسببه انا عمرى ما هنسى الايام اللى عدوا عليا وانا بقول هيجى الصبح واصحى وملقيهوش عمرى ما هنسى وجعى ولا قسوته عليا 
نسرين : ربنا يريح قلبك 
**********************
فشركات زين المنشاوى 
نجلاء : اى يا بنتى اخرتى لى 
عائشه : معلش يا نوجه جود زى ما انتى عارفه استاذ زين وصل
نجلاء: لا لسه هو كان بيقول الطيارة هتوصل ٦الصبح 
عائشه : طب تمام انا هظبط شويه ورق
بعد مدة 
زين : صباح الخير 
نجلاء بهيام : صباح النور 
عائشه خبطتها فى دراعها : صباح الخير يا افندم
زين بجديه : جهزيلى الصفقات الجديدة يا نجلاء وهاتيها وانتى يا عيشه تعالى عايزك 
عائشه : حاضر وبصت على نجلاء يا بنتى اتهدى شوى 
نجلاء : اتهد اى هو فى حد يقدر يقاوم الجمال دة انتى معندكيش نظر 
عائشه بهمس : عندى بس نظرى مليان 
نجلاء : بتقولى اى 
عائشه : ولا حاجه انا داخله 
بالداخل 
زين : اى يا عائشه اى الاخبار
عائشه : كل تمام يا افندم الصفقه اللى حضرتك دخلتها رست عليك 
زين ببسمه : بفضل مجهودك 
عائشه ببسمه : شكرا لحضرتك
زين : انتى كنتى معايا خطوة بخطوة من سنه كانت شركه صغيرة محدش يسمع عنها دلوقتى الحمدالله بقينا بنافس الشركات الكبرى ودا كله بفضل مجهودك 
عائشه ببسمه : انا بعمل شغلى يا افندم 
الباب خبط 
نجلاء: الملفات اهى يا افندم 
زين : شكرا يا نجلاء اتفضلوا روحوا 
************************
فى شركات القناوى
محسن بغضب : قلتلك مليون مرة يا رنا انا مش عايزك تشتغلى ابننا محتاجك 
رنا : يا محسن انا قادرة بوفق بين الاتنين وبعدين دادة فاطمه معاه ومش بتسيبه لحظه 
محسن بنفاذ صبر: انتى الكلام معاكى بقى ملوش لازمه 
دخل جواد 
جواد : اى فى اى صوتكوا واصل لاخر الشركه 
رنا : يا ابيه محسن عايز يتخانق وخلاص
محسن بغيظ: انا برضوا بقلها ابنك محتاجك بس اقول اى وهى مش مقتنعه بالكلام 
رنا : انا برضوا ولا انت انت عايز تلغى شخصيتى وكيانى وانا قلتلك ان الشغل هو اللى بيحسس الواحدة ان ليها كيان 
جواد بصلها وافتكر كلام عائشه وكأنها واقفه قدامه 
محسن بصوت عالى : يوووووة انا زهقت زهقت 
جواد : خلاص خلصتو والاتنين سكتوا وكمل كلامه الكلام دة فالبيت مش هنا ولما نروح نتفاهم يلا كل واحد على شغله 
رنا مشت وجواد لف لمحسن 
جواد : انا عارف انك عايز تقعدها من الشغل بس مش عشان ابنك مش كدا
محسن بتوتر: لا امال لى يعنى 
جواد بشك : محسن قول فى اى 
محسن بغيظ : مضايق من وجوده فالشركه وتعامبها مع دة ودة انا عايزها ليا لوحدى لبيتنا لابننا بس هى مش عايزة تفهم 
جواد : ولى مقلتلهاش كدا ولا مش عايز تعرفها انك غيران عليها 
محسن : يا جواد انا مش هى دى الحياه اللى كان نفسى فيها انا كنت راسم حياتنا غير عايز مراتى ارجع القيها مستنيانى ارمى نفسى فى حضنها واحكيلها عن يومى 
جواد ببسمه : اتكلم مع مراتك بهدوء وهى هتفهم عرفها كل اللى انت عايزة وهى بتحبك وهتعمل اللى يريحك يلا اسيبك بقه عشان ورايا شغل 
::::::::::::::::::::::::::::::::::::
فارس قاعد بيراجع ورق ودخل جواد عليه 
جواد : عملت اى مع شركات المنشاوى 
فارس: زين رجع انهاردة من السفر والمفروض هنعمل اجتماع بكرة 
جواد : تمام جهز كل الورق والعقود 
فارس : تمام 
جواد لسه ماشى وقفه فارس 
فارس: جواد لين لسه مستنيه يا تقفل الموضوع يا تفتحه انما متسبهاش متشعلقه كدا حرام عليك 
جواد بحزن : صدقنى لو دة فى مكان وشتور على قلبه كنت فتحته بس هو خلاص اكتفى 

ممكن لايك و10كومنتات.. منتظر رايكم في باقي الاحداث 👇
#_جروح_لاتنتهي 🖤


مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-