.jpeg){kind=small}
روايه كبريائي يتحدي غرورك الفصل 7 السابع بقلم نورهان محمود
الفصل
{7}~
قامت یارا و اقتربت من امها و قبلتها من جبينها : ماما حبيبتي انا مش فاضية اتجوز
!!! نظرت لها الام بدهشة : مش فاضية تتجوزى
يارا و هي تقف وراء امها و تحاوتها بيدها : ايوة يا حبيبتي .. انا وحدة وريا جامعة و شغل .. مش فاضية
امسکت امها یدها و قالت بخضة : ايه اللي في ايدك دا يا يارا
سحبت يدها برتباك و قالت : ماما انا دخلة انام
الام بنفعال : يارا انا بقولك ايه اللي في ايدك دا .. دا مكان حقنة
يارا برتباك : مفيش يا ماما حاجة من اللى انتى بتقوليه دا .. ياسمين كانت بتهزر معايا بالدبوس
الام بنفعال : ما هو يا اما انا هبلة .... یا اما انتی و یاسمين اتهبلتوا على كبر
يارا برتباك: ماما حبيبتي انا تعبانة و عايزة انام
الام : برده مش هتقولیلی ایه دا
يارا : حاضر يا ماما هحكيلك و حكت لها من اول دخول جاسر الشركة لحديثها معه اليوم
الام : دا مغرور اوووی یا یارا
يارا : و الله قلت كداا محدش صدقنی
الام : سيبك منه انتى اعملي شغلك كويس و لما يكلمك رودى عليه بحترام .. و مش هيبقى ليه حاجة عندك
يارا : حاضر یا مامتی یا حبیبتی .. ما انا هعمل كدا
الام : اووك يلا روحی نامی
يارا : ماشی یا مامتی
قامت يارا لتذهب لغرفتها و لكن نادتها امها : يارا شوفيه حتى
يارا و تصتنع عدم الفهم : هو مين دا
الام : مش عايزة استهبال يا يارا .. انتي عارفة بتكلم على مين
يارا : احم احم خلاص .. عشان خطرك انتي يا قمر
الام : یعنی انتي موفقة
يارا : لما اشوفه یا مامتی
دخلت يارا غرفتها و وضعت رأسها على الوسادة و ذهبت في سبات عميق
في مكان آخر .. حيث يجلس جاسر و امامه اللاب توب الخاص به .. تدخل علیه نیره و تقول
نیره : جسورة حبیبی
إنظر لها : عايزة ايه ؟
نیره : احم احم .. هو لما ادلعك لازم ابقى عايزة حاجة لسمح الله
نظر لها و هو يصتنع الندم : لا لا مش معقولة اكون ظلمت اختي حبيبتي .. اسف بجد
نیره و هي تصتنع الحزن ممزودج بالدلع : اه والله انت علطول ظلمنی اصلا .. يا ظالم .. یا مفتری
جاسر : یا عینی یا حبیبتی ... دا انا قربت اصدق اني ظالمك بجد
جلست نیره بجانبه و قالت : صدق بقى عشان انا الصراحة زهقت و مش قادرة امثل تاني .. انا فعلا عايزة حاجة
جاسر و هو يتصفح اللاب توب الخاص به : طب انجزی عشان عندی شغل
نظرت له نیره و قالت بقرف : تصدق یا جاسر انت نکدی زی امك كوثر بالظبط
اغلق جاسر اللاب توب و نظر لها و قال : عايزة ايه يا زفتة
نيرة بقرف : ايه المعاملة السيئة دى محسسني اني بشحت منك .. قولى عايزة ايه یا حبیبتی .. یا روحی .. یا قمری .. کدا
جاسر : و ممكن اطردك من اوضتی برده .. مفيهاش مشكلة خالص
نيره : انا عارفة انى مش هاهون على اخويا اللي بيحبنى
جاسر : انجزى عايزة ايه ؟! مش فاضي لهبلك
نیره بنفعال و هي تنظر له : يالهوووی یا جاسر
نظر لها جاسر و قال بخضة : ايه يا هبلة ؟؟
نيره وهي تنظر له بشفقة و تقول : من كتر ما انت مبوز .. بوزك بقى شبرين .. قرب يطلعلك منقار زي البطة
قام جاسر و امسكها من كتفاها فقامت معه و شاور لها على باب غرفته و قال : حبيبتي شايفة الباب دا .. عايزك تخرجي منه و تقفلى الباب وراكی و مشوفش وشك
تانی
اختك
نيرة بدلع : ليه يا جاسر .. دا انا
حتى
جاسر : هتقولى عايزة ايه ؟! و لا هتتفضلی بره
إنيره : دا انت رخم صحيح .. مش عارفة صحابي هيموتوا عليك على ايه ؟
جاسر بتفاخر : عشان اخوکی مفيش زيه
نظرت له نیره و قالت بسخرية : لا يا خويا عشان هما تافهين و بتوع مظاهر
جاسر : مش ملاحظة ان لسانك بقى طويل اوووی و عایز قصه
نيرة : هو انا جيت جمبك انا بقول عليهم هما .. و بعدين سيبك منهم .. انا عايزة اسافر
إجاسر بستغراب : تسفرى فين ؟
نیره : عايزة اسافر رحلة لشرم .. تبع الجامعة و بما ان بابتي حبيبي مسافر .. فماما قالتلى اسألى جسور حبيبك
جاسر : و جسور حبيبك مش موافق
نیره و هي تضرب قدميها بالارض مثل الاطفال : ليه يا جاسر بس
امسكها جاسر من كتفها لتهدأ و قال بجدية : اهدى ... مينفعش بنت قمورة زيك كدا تسافر لوحدها
نیره و هي تبعد يدها عنه : منا هسافر مع صحابي ... ثم نكشت شعرها و قالت : بص انا مش قمورة خالص اهو .. يعنى مفيش حد هیبوصلی
جاسر : قولت لا
نیره : افف بقی یا جاسر ... متبقاش رخم
جاسر : استنى لما بابا يجی و ابقی قوليلوا
نيره : و الله .. دا تكون الرحلة طلعت و الدراسة خلصت و انا اتخرجت
جاسر : قولت لا یا نیره ... هبقى اخد يوم اجازة و نبقی نخرج انا و انتی
نیره بحزن : لا انا مش عايزة اخرج معاك .. انا عايزة اخرج مع اصحابي
جاسر : خلاص ابقی هاتی صحابك يخرجوا معنا
نيره : لا
جاسر : و انا كمان قلت لا مش هتسافری
نیره بدموع : بلیز بقی یا جاسر
ضمها جاسر و قال : نیره متغصبنیش آنی اوافق على حاجة ممكن نندم عليها بعد كدا
نیره بدموع : لا یا جاسر انت مش واثق فيا
جاسر بجدية : حبيبتي مش موضوع ثقة .. و انتي عارفة كدا
نیره بدموع : مدام هو مش موضوع ثقة انت مش موافق ليه .. انا عايزة اخرج مع اصحابي
جاسر : انا خايف علیکی یا حبیبتی افهمی
نیره بدموع : یعنی ابهات اصحابی مش خايفين عليهم
جاسر : انتى بعد ابهات دی تسکتی اصلا
ضربته نيره على كتفه و قالت : جاسر انا مبهظرش على فكرة
جاسر : خلاص خلاص ... اهم حاجة تبطلى عياط عشان شكلك وحش و انتى بتعيط
نیره بدموع : اف بقی یا جاسر
تنهد جاسر و قال بتفكير : هي كام يوم یا نیره؟؟
شعرت نيره ان هناك امل فقالت : 3 ايام
جاسر بعد تفكير عميق : ماشى يا نيرة روحی
ضحكت نيره من بين بكائها و قالت : انت بتهظر صح
جاسر : و انتي بتعيطى كدا شكلك وحش .. بس بعد ما ضحكتي و انتى بتعيطى بقى شكلك اهبل يا حبيبتي
نيره ببتسامة : مش مشكلة اهبل اهبل .. اهم حاجة انى هروح مع اصحابی
جاسر : اهم حاجة اشوف الابتسامة دى على وشك
نیره : یا حبیبی یا جاسر .. انا هعيط من اللي انت بتقوله
جاسر : انتى بتتتريقي .. طب يلا غوری بقی
نیره و هي تمسكه من خدوده و قالت : يالهوووی یا ناس انتی زعلتی
جاسر و هو يبعد يدها : هي نازلي اثرت على لغتك
{^_^} نيره : لا انا بستعبط
جاسر : ربنا يهدیکی
نيره : يلا انا هروح اوضتى عشان اسيبك تكمل شغل
جاسر : اخیرا
نیره : تصدق اني اكتشفت انى اوضتك جميلة اوووى .. انا هفضل قاعدة معاك
امسك جاسر باللاب الخاص به و قال : خاليكي قعدة انا اللي هسبلك الاوضة كلها
نيرة : تصدق انك رخم
جاسر بغيظ : و مغرور و متعجرف و غبى كمان .. لسة سامع الكلام دا الصبح ... ثم قال بتساؤل : هو انا فعلا كدا يا نيره
