منذ عامرواية زهرة أصلان كاملة جميع الفصول

 رواية وردتي السوداء الفصل الثاني والعشرون 22 بقلم سمية عامر

 رواية وردتي السوداء الفصل الثاني والعشرون بقلم سمية عامر

سمعت نورين الكلام و أغم عليها لانها من الصبح حاسه ان في حاجه غلط 

قفل عبدالملك و شالها بسرعة خدها اقرب مستشفى و فضل يتواصل مع يوسف عشان يقدر يوصل للاولاد بس كل ده كان من غير فايدة

فاقت نورين و مسكت في عبدالملك : لازم نرجع بسرعة 

- اهدي .. انا حجزت هنرجع انهاردة هما اكيد بيلعبو هنا ولا هنا 

لا لا انا قلبي حاسس في حاجه حصلت 

- مفيش حاجه محدش يقدر يلمسهم 

قعدت تعيط و بسرعة كانو في المطار راجعين القاهرة 

....

صفاء : يعني هما الاتنين كانو برا سوا .. هو ردها 

يوسف بعصبية : يا خالتي احنا في ايه ولا في ايه 

سحر بعياط : الولاد حرام عليكي احنا منعرفش هما فين و انتي قاعدة تفكري في ايه 

صفاء : في ايه م هما احفادي برضو مش هتخافو عليهم اكتر مني 

يوسف : طب لو سمحت نركز تفكيرنا على الاولاد عشان نلاقيهم 

لفت صفاء وشها و كان باين على ملامحها انها مش كويسة و عيونها كلها شر 

.....

وصلت نورين و عبدالملك و اول حاجه عملوها أنهم بلغو البو"ليس 

رجعو البيت و متكلموش مع أي حد حتى صفاء اللي كانت بتبص لبنتها بعلامات استفهام كتير 

غيرت نورين لبسها و لبست بنطلون و تيشرت بس لقيت عبدالملك في وشها

- انتي رايحه فين ؟؟

هشوف عيالي فين 

- هتشوفيهم فين انتي في صحرا

صرخت في وشه : طلاما انا في صحرا يبقى لازم اخرج اشوفهم 

نورين خليكي في بيتك لحد ما اجيبلك الولاد لحد عندك 

- و لو مجبتهمش ؟؟

بصلها بغضب : دول ولادي انا كمان و خوفي عليهم مش اقل من خوفك عليهم قبل الليل ما يطلع هيكونوا عندك بس خليكي قاعدة هنا عشان وجودك في بيت لوحدك هيبقى غلط 

- لا انا هروح بيتي

خرجت برا و هي حزينة و قلبها مكسور 

عبدالملك بنفاذ صبر : خدها للبيت يا يوسف 

صفاء : انتو كنتو فين ؟

عبدالملك : بنلعب رحنا نلعب .. بقولك ايه يا خالتي ما تشوفيلك شغلانة تتلهي فيها بدل م انتي داخله في حياتي بالمنظر ده 

سحر : عبدالملك .. اتأدب

صرخ في وشهم : ولادي مخطوفين وهي بتقولي كنتو فين خديها و ارجعو القاهرة انا مش ناقصكم .

رجعت نورين بيتها و فضلت طول اليوم قلقانة و بتعيط لحد ما الباب خبط 

جريت فتحت بس مكنش في حد موجود كان في تليفون صغير 

قد يعجبك ايضا

مسكته و اتصلت على الرقم اللي فيه 

ردت عليها نيرة وهي بتعيط و بتشهق 

نورين بلهفة و خوف اكتر : حبيبتي انتي فين .. ردي على مامي كفايه عياط 

فجأة سكت صوتها و حد رد 

- ولادك عندي 

انتي مين ؟؟ ولادي عندك بيعملوا ايه 

- بصراحة حبيت العب بيهم شويه قبل ما اموتهم بس البت دي صعبت عليا قولت اخليها تكلم امها لآخر مرة 

نورين : انتي ميييين انا هدفعلك كل اللي انتي عايزاه 

 مش محتاجة فلوس .. انا عايزة منك حاجه واحده بس 

نورين بسرعة : موافقة عليها 

ضحكت باستهزاء : مش بالسهولة دي انا عايزاكي تشيلي الرحم 

اتصدمت نورين من الطلب بس ردت بسرعة : و انا موافقة بس بالله عليكي بلاش عيالي 

- بكرة الصبح في دكتور هيجيلك يشيلهولك لو عملتي اي حركة كده او كده اترحمي عليهم بقى 

انتي مين ؟

ضحكت البنت : انا طليقة جوزك 

قفلت معاها و نورين فضلت تعيط و مسكت التليفون اتصلت على عبدالملك 

- في ايه حصل ايه 

اللي خطفت عيالي طليقتك 

برق عبدالملك : انتي جبتي الكلام ده منين 

صوتت في التليفون : كنت متجوز بجد مكنش هزار ... انا عمري ما هسامحك 

قفلت معاه و ركب عربيته بسرعة وصل عند بيت عمه سأل على سميحة بنت عمه 

نزلت وهي مبسوطة و بتقرب عليه : توك لافتكرتني يا ابن العم 

مسكها من دراعها جامد : ولادي فين 

سميحة : ولادك ؟؟.. معرفش مش معايا 

.....

نور الدين : نيرة انا فكيت ايدي هحاول اهرب اجيب بابا و ماما 

نيرة بخوف : لا لا متسبنيش 

نورالدين: طيب استني هشوف لو في حد 

مبقاش حد و رجع يفكها بس فجأة قعد يصوت من الألم لما لقى واحده وراه جر"حته بسك"ينه في رجلة ........

             رابط الفصل الثالث والعشرين

تعديل المقال