رواية زهرة أصلان كاملة جميع الفصول

 

رواية بينا معاد (كامله جميع الفصول) بقلم منه محمد 

البارت الاول

#بينا_معاد

قصص منه محمد كاتب

هشام قرب منها لقاها نايمه في المرجيحه وع وشها مفتوح الكتاب اتغاظ وراح صحاها وهي اتعدلت

هشام بضيق: هو ينفع تنامي في اي حته

جنه اتمطعت: الهواء سطلني فنمت

هشام: وفرضا حد معدي وشافك

جنه مدتله لسانها: هو انت بتغير عليا للدرجه

هشام: اغير! ودي معناها ايه .... انا معرفش معني الكلمه اصلا

جنه ابتسمت: افهمك الغيره يعني هو شعور نابع من جواك لبنت عمك والبيست فريند تؤامك

هشام بمروغه: ده ملوش علاقه بيا اطلاقا

جنه ضحكت تغيظه: انت كداب

هشام: يا بنتي وهكدب ليه وانا مش كدا عليكي 

جنه: انت دايما تكدب وما بتعرفش تحور عليا

هشام بنص عين: وياتري نمتي فعلا ولا بتهربي من ماده بكره

جنه: لاء انا اصلا معرفتش احل

هشام ابتسم بسخريه: معرفتيش والله عال و ازاي قدرتي تنامي

جنه : يمكن عشان جعانه او عشان معتمده انك معايا

هشام كتف ايده حوالين صدره: هو انا مديولك في حاجه اذكرلك واكلك

جنه كشرت: ليه دايما محسسني اني تهمه 

هشام ضحك وأأعد جنبها وهي ابتسمتله وقالت : ايوه كدا اقعد جنبي

هشام بتنهيده: عارفه عيبي ايه اني بخاف ازعلك المهم خدي جبتلك تيراميسو

جنه خطفته منه: الله ده انا بموت فيها

هشام: بجد الي يشوفك يفكرك مفجوعه

جنه: انا بضعف قدامها اعمل ايه

هشام: انتي بتضعفي قدام اي حاجه وبعدين كلي براحه هو حد هيسرقها منك

جنه بصتله بغيظ :انت بجد واحد مزعج ...ولعلمك بسبب تنمرك عليا انت اتحطيت في قايمتي السوده من دلوقت 

هشام حب يعصبها:لهو انتي جنونك بيزيد لمًا تكوني جعانه

جنه ضربته على كتفه : ما تسكت بقي خليني اكل ولا السعك زي النحله

هشام : والله انتي بق ولا تقدري تعملي معايا حاجه

جنه بصت له بشراسه وبجديه : متخلنيش اقوملك

هشام شد شعرها بعنف وقام يجري : يله قومي ووريني 

جنه رمت الكيسه وقامت وراه: هشام حضر نفسك انت النهارده وقعت نفسك في مشكله معايا 

هشام : مش عيب بعد ما عملت معاكي واجب تتخانقي معايا 

شويه قاموا وقفوا ع شط البحر بيلعبوا الضربه المرتده وهي عباره لعبه مصنوعه من البلاستك ......ومسليه جدا عند هشام الي يرميها لبعيد بطريقه معينه ترجع ترد له تاني !!!!!

جنه نطت لفوق بفرحه وسعاده كبيره: روعه فعلا روعه اوي اللعبه دي ياهشام

هشام ضحك ووقف وراها : يله ،حاولي تعمليها نفس ما بعملها

جنه بتحرك دماغها برفض: لاء معرفش لتضرب في وشي

هشام وقف وراها ومسك ايدها بين ايديه: امسكي نهايتها زي كدا 45 درجه بأتجاه الريح وارمي

جنه: انت كدا مجبر تعلمني كل حاجه

هشام: انا كلي تحت امرك حتي السحر هعلمهولك

جنه: بجد يا هشام

هشام أأعد وقعدها قدامه ع الشط وطلع جنيه معدني من جيبه وحطه في ايديها وقفلها عليه

هشام سألها: العمله دي في ايدك الشمال بعد كدا راحت فين

جنه فتحت ايدها لقتها فاضيه بصتله بذهول: ايه ده دي اختفت

هشام مد ايده طلعها من شعرها

جنه بفرحه وانبساط: بجد روعه ،رووعه يا هشام

هشام: وانا مبسوط انك بتبتسمي اخيرآ

جنه: عشان انت جنبي يا هشام بس علمني الخدع السحريه 

هشام: لاء بلاش تتعلمي الخدع السحريه

جنه بدلع: لاء يله

هشام قدام رغبتها استسلم وبدء يعلمها لكن هي مفهمتش لانه بيعمل الحركه في منتهي السرعه

جنه: هشام اعمل خدعه كمان قدامي ببطء ملحقتش اركز انت عملتها بسرعه

هشام: نعم ياختي انتي الي مش لماحه وغبيه

جنه بصتله بغيظ : لا ء بقي انا مش غبيه ولا عبيطه ،هات اقدر اعملها

هشام حرك حواجبه يغظها : بحبك لما بنجح واعصبك , يا هبله انا هعلمك كل حاجه لان انتي ليا كل حاجه , و عمري ما بنسي لما بابا مات في حادثه انتي الوحيده الي كنتي جنبي

جنه: وانا عمري ما بنسي لما ماما ماتت من الكانسر ان انت الوحيد الي كنت جنبي بدعمني

هشام ابتسم وقالها : وهفضل جنبك وعمري ما هسيبك

جنه بتتغزل فيه: ابتسامتك حلوه اوي ياهشام وخصوصا لما بتظهر الغمزتين الي ع خدودك

هشام وقف وشدها واخدها يجري بيها ويلعبوا في الرمله وجابوا جردل وميه من البحر وبدؤا يحفروا حفره كبيره

جنه صقفت بشقاوه طفوليه : الله كبوريايا دي بتاعتي

هشام زقها بغلاسه: لاء دي بتاعتي انا ياغلسه

جنه بعصبيه مضحكه: مش هتاخدها يا هشام ع جـ ثتي

هشام اتغاظ منها، ورسم على شفايفه ابتسامة خبيثة وراح ماسك كبشه من الرمله و مسح وشها بأيده بهدلها وجنه صرخت وهو زقها وقعت ع ضهرها وطلع يجري وهو بيضحك

جنه مسحت وشها ووقفت وضيقت عيونها بتوعد : والله منا سيباك، اقف عندك

هشام جري عليها بندفاع ومسكها وزقها وقعها ع ضهرها تاني وهي بصتله بغضب وهو ابتسم اوي ومد ايده يقومها ونفضلها وشها بشعرها وجنه زقته وقع ع ضهره وهو بيضحك وطلع يجري وراها وابوها جه يفض الاشتباك ما بينهم وجنه تستخباه وراه من الحرب اللذيذه الممتعه الي بتحصل بينها وبين هشام

شويه اخدها يتمشوا ع الشط وهو ماسك ايدها: عارفه انا مبسوط انك مش اختي

جنه كشرت بدلع طفولي: ليه بقي هو انت تطول

هشام ببتسامه جميله: ده سر مغروره هانم لما نكبر شويه هتعرفيه قومي نتصور

جنه قلدمت وكشرت: احنا متبهدلين طينه يا هشام

هشام غمزها بمرح: ماهو احلي حاجه الطينه عشان نبصلها ونفتكر اليوم المطين ده

جنه بصتلوا بحب كبير: انا كمان بحمد ربنا انك مش اخويا وده برضو سر لما نكبر شويه هتعرفوا

بينا معاد بقلمي منه محمد كاتب

يوم افتتاح دزني لاند لعيله هشام ووالدته داليا وهي سيده مجتمع و مديره لمجموعه شركات تصاميم عالميه ، ابو جنه يبقي عم هشام ،وكان حاضر بدعوه من هشام لان داليا مكنتش بتحب ام جنه وكانت دايما في مشاكل معاها لذالك بتحب تتجنب جنه وابوها ......اما هاله بطله من الروايا معانا وهي مذيعه مغموره في عالم الموضه والأزياء,,وهي الصديقه الانتيم لداليا وهي الي دخلتها عالم الازياء والموضه وانتجت لها عده برامج ,, لدرجه خلت اسمها يلمع في سماء النجوميه ،وهاله لمحت ابو جنه وعرفت انه له ظروف خاصه لانه انسان طيب جدا ضعيف الشخصيه جدا جدا ..سلبي لابعد حد ....والي يتعامل معاه يفكروه مريض بالتوحد لانه مش بيندمج مع حد الا نادر جدا وده من ضعف شخصيته .....وهي لاحظت ده من كذا مقابله وبدئت ترمي شباكها عليه عشان يطلعها من الفقر الي عايشه فيه مع ابو ولادها العاطل عن العمل ورامي كل الحمل والعبئ عليها لحد ما اطلقت منه بمساعده داليا وجنه لاحظت ان هاله بتحاول تقرب من والدها ورغم ان جنه رافضه حد يحل محل والدتها الا انها مش انانيه وخصوصا انها اول ما تنهي مرحله الاعداديه هتسافر تكمل دراستها في الخارج وتحصل هشام الي انهي الثانويه العامه وهيدخل كلية بيزنس ادارة اعمال عشان يرجع يدير مشاريع واعمال والده ويكون مسؤل!

جنه بصتله: تفتكر فيه اعاجب بينهم متبادل

هشام ضم حواجبه : هما مين دول

جنه شاورت له بدماغها عليهم: عمك وطنط هاله يعني شيفاهم لايقين ع بعض 

هشام ابتسملها : غريبه بس ده مكنش رايك الاول

جنه بحزن: اصل اول مره اشوف بابا بيتكلم وبيضحك ....من يوم ما ماما ماتت يعني فيها ايه لو اتجوز تاني اظن مش هكون قلقانه عليه لما في يوم اسافر فرنسا اكمل دراستي

هشام بصلها ببتسامه هاديه ونظره كلها اعجاب : عارفه يسلم الي سماكي جنه لان انتي فعلا جنه علي الارض

بننا معاد بقلمي منه محمد كاتب

بالليل في الحاره نزلت من عربيتها وهي بتلف حواليها ليكون حد شافها وخبطت ع الاوضه ودخلت

هاله بنفعال عليه: انت ازاي تتصل بيا وعايزني اعملك ايه لو ممسوك في القسم

عبده صرخ فيها بصوت عالي مستفز: انتي مفكره نفسك مين ها؟ عشان تتكلمي معايا كدا ( قام وراح لطشها بالقلم ع عيونها بقسوه لدرجه كسرلها النضاره) لما كان طليقك مرمي في السجن انتي رميتي عيالك وبقالك خمس ايام مورتهمش وشك لو مهددتكيش مكنتش هتيجي هنا ولا تسألي عشان كدا هددتك وطبعا خوفتي لانك بتلفي وري داليا هانم في كل حته وخايفه الصحافه تكتب وتعرف حقيقه النجمه المشهوره

مخلص ابنها وناره بنتها واقفين برا الاوضه جسمهم بينتفض من الاشتباك الداير

عبده: اظن انا خبيت انك كنتي مراتي وده عملته عشانك

هاله بنرفزه: انت عايز مني ايه ( بكت) هو انا مش من حقي اعيش وسط الناس النضيفه عشان اقدر اشتغل واصرف ع عيالك وع نفسي وبصرف عليك انت كمان يا اخي خمستاشر سنه نفسي ابقي حره واعيش زي البشر فعتقني بقي وارحمني

عبده: لهو انتي اتجننتي خلاص اسمعي انا لحد دلوقت مفتحتش بؤي بس لو هتقولي يله نفسي هفضحك واقول للدنيا انتي مين

هاله: انا هقول كل حاجه بنفسي للعلن بس لما اتجوز المهندس مراد

عبده: هتتجوزي والله عال معني كدا ان عيالك هيعيشوا في عز وبغدده

هاله سكتت لانها مش عايزاهم ولا يظهروا في حياتها الجديده

عبده شد ناره من تلابيبها وجرها لحد لجوه: تعالوا هنا ناره مخلص طبعا مش هتقوليلي اربي العيال صح

هاله قامت من علارض تجري ع برا!!!!

عبده مسكها من دراعها : اتجوزي مش همانع بس ابعتي فلوس عشان ائكلهم والبسهم واي مشكله اقدر احلها

هاله ضربت ايده بعنف وزقته من طريقها وطلعت تجري تركب عربيتها 

ناره بتجري وراها وغرقت عيونها بالدموع: ماما ابوس ايدك خديني معاكي,, والله ما هعمل مشاكل بس خديني معاكي

هاله زقتها وفتحت العربيه وناره بتنادي عليها لحد ما حركتها وهي بتجري وراها وبتنادي عليها وتصرخ عشان ترجع تاخدها من عيشه البهدله

......

في بيت ع البحر جنه واقفه في الفراند بتتأمل البحر والمكان الي اتولدت فيه وبتسجل بصوتها كل المها ووجعها ان ابوها اتجوز غير امها لكن هي بتتمناله السعاده والاستقرار في حياته 

هشام قرب وخضها: بتعملي ايه؟؟!!

جنه لفت وبصتله بعيون حزينه : بسجل لماما مع صوت الموج والريح ،لان ماما كانت بتعشق صوت البحر

هشام شد منها التسجيل وسجل بصوته صوت الكروان وجنه مبسوطه

هشام ملس ع خدها بحنان: ايوه كدا ،عايزك بس تبتسمي دايما ،جنه يله عشان اوصلك لبيتكم الجديد

جنه ركبت مع هشام العربيه والسواق وصلها لحد البيت وهو رفض يدخل معاها وقالها هيتصل يطمن عليها وجنه نزلت ودخلت البيت الجديد

هاله استقبلتها بالحضن: اهلا يا جنه كنت مستنياكي

جنه ببتسامه: ارجوكي خدي بالك مني

هاله ببتسامه: انا الي كنت هقولك خدي بالك انتي مني

جنه: وبابا كمان هياخد باله من طنـ

هاله: هو مش ممكن تناديني بماما

جنه نزلت راسها لتحت: انا اسفه

هاله مسكت دقنها ببتسامه مزيفه: براحتك ياروحي قوليلي الي يناسبك ,, ولما تكوني جاهزه تقوليلي يا ماما قوليها براحتك انا مش مستعجله

جنه برتياح: حاضر

هاله: تعالي لما افرجك ع البيت وبعدين تتفرجي ع اوضتك

جنه مشت معاها تتفرج علي البيت وبعدين دخلت غرفتها

هاله: دي اوضتك انتي وبنتي ناره بس لو مش هتبقي مرتاحه انها هتشاركك اوضتك

جنه ابتسمت ابتسامه عريضه في وشها: لاء اطلاقا,, بالعكس انا كنت بغير من زمايلي الي ليهم اخوات وقريب هسافر اكمل دراستي برا , عشان كدا نفسي اقرب منها واتعرف عليها

هاله ضمتها بحب خداع: ان شاء الله ترجعلي محققه حلمك

بينا معاد بقلمي منه محمد كاتب

في مطعم كشري بسيط

عبده : عارفين انا عانيت سنين مع امكم وكلو بسببكم انا مش عايزكم زهقت منكم عشان كدا انسوني وروحوا عيشوا معاها وجوزها المتخلف حاولوا تتكيفوا معاه بدل الاوضه الي كنتم محشورين فيها فاهمين

ناره الي بتاكل بلا مبالاه : انا عن نفسي فهمت

عبده: وانت يامخلص

مخلص قاعد ناقم ع الدنيا وع حياته وعيونه بتحدف في دموع

عبده لطشه بالقلم وبتهديد : يمين بالله لو روحت عند امك وعملت مشاكل هتشوف ايه الي هيحصلك اطفح يله

مخلص كاتم دموعه الي كلها قهره

عبده رمي المعلقه عليه بنرفزه وشخط فيه بأمر : قلت كول

مخلص مسك المعلقه وبقي ياكل بأسلوب همجي من العصبيه والاكل بقي يقع ع هدومه ويمسحه بكم قميصه!!!!

عبده بنرفزه وزعيق: كول براحه يا متخلف ,, بتعيط ليه يا ابن الهبله فيه راجل يعيط ،متعيطش

عبده قام دفع الحساب واخدهم ع الفيلا ووقفوا قدامها

عبده: من النهارده هتقدروا تناموا وتمددوا رجليكم براحتكم 

( بصلها) ناره اهتمي بأخوكي كويس سامعه-بصله/ وانت اسمع للي بتقوله اختك ،،متعملش تصرفات وقحه اندمك عليها خليك كويس( طلع فلوس يوزعها عليهم) خدي يابت ،وانت خد انا همشي

ناره تابعت ابوها لحد ما اتحرك وبصتله: يله يامخلص

مخلص طلع يجري وراه ابوه ومسك دراعه وحطله الفلوس في جيبه وابوه دور وشه يخبي دموعه ع فراقهم 

قصص منه محمد كاتب

ناره دخلت سلمت ع مراد وباست ايده وهو شدها منها 

هاله اتحرجت ورجعتها لوري: انتي بتعملي ايه (ابتسمت بتوتر وبصتله) مراد دي ناره وهي اكبر من جنه بس بتعيد سنه عشان كدا هي في ثالثه اعدادي ,وممكن تروح المدرسه مع جنه

مراد: حالا اعمل اتصلاتي ومن بكره تتنقل

هاله بفرحه: وانتي ياناره من النهارده اعتبري جنه اختك

ناره عيونها كلها حقد وغيره من جنه لانها متخيلتش انها جميله اوي كدا دي اجمل منها بمراحل وشعرها طويل اشقر سايح لحد ضهرها وعيونها ملونه وردت : اه طبعا واكتر من اختي

هاله: وده ابني مخلص هو اكبر منهم في اولي كليه للفنون جميله وده الباشمهندس مراد ابوكم من اليوم

ناره: اهلا وسهلا انا بنتك ناره ياعمي

مراد بترحاب: اهلا وسهلا بيكم انتي واخوكي ...اعتبروه البيت بيتكم وانا ابوكم وجنه اختكم

جنه بسعاده: وانا بجد فرحانه انكم جيتوا ....بجد حسيت اني ليا عيله

جنه مدت ايده تسلم وناره سلمت وسابت ايدها بطريقه مريبه لكن جنه ابتسمت ومدت ايدها لمخلص الي رفض يسلم عليها

ناره ابتسمت برتباك: اخويا مش بيسلم ع البنات

جنه مسكت ايده: انا مش بنات ,,انا اخته الصغيره ومبسوطه اني قابلتك يا مخلص

مخلص شد ايده من ايدها بعنف وعداء ومشي !!!!

هاله بحرج: الولد ده

مراد: سبيه ع راحته اكيد متوتر لانه مش واخد علينا

مخلص فتح الباب ووقف في الجنينه وحاسس بخنقه وطلع للشارع بيضرب بعينه لقاه ابوه قاعد ع دكه وعمال يعيط جري عليه

عبده ابوه قام وقف بسرعه: امشي ادخل جوه ايه الي طلعك ها_مسك طوبه حدفه بيها_ امشي

مخلص بقي ينط يتفادي الطوب

عبده: ادخل جوه ادخل

مخلص: انا مش عايز انا هرجع معاك

عبده: اياك! هخلص عليك ادخل 

تعديل المقال