منذ عامرواية زهرة أصلان كاملة جميع الفصول

رواية زوج مستعمل ( كامله جميع الفصول ) بقلم فاطمه سمير رجب

رواية زوج مستعمل الفصل الأول 

_طلقني.

قولتها بعصبية وأنا بمس"ح دموعي، حاول يمسك إيدي ولكن زقته، فقال بحد"ه نسبيًا:

_أقعدي هفهمك اللي حصل.

أفتكرت قربها منه؛ فضغطت على إيدي بعص"بية، وقولت:

_دي لمستك.

بصتله بتوهان، وقولت:

_أنا عارفة أنك مش بتحبني بس....

قطعني حضنه ليا، قال وهو بيشدد على حضني بقوة، وكأنه بيحاول يخبيني جوه ضلوعه: 

_والله ماقربت منها، لما القهوة وقعت عليا حاولت تمس"حها، بس مالحقتش تلمسني والله كُنت هزقها؛ علشان تبعد عني بس مالحقتش، كُنتِ دخلتي وشوفتينا.

طلعت دماغي برا حضنه وبصتله بدموع، وقولت بو"جع:

_بصتها ليا كأنها بتقولي أنك ملكها وإني ماليش مكان مابينكم.

شيلت إيده من عليا وقولت بقوة مصتنعة:

_تقدر تطلقني وتروحلها.

_أفتحي الباب يا هنا.

فضل يخبط على باب الأوضة بغض"ب، ماقدرتش أرد عليه، بدأت ألم هدومي في الشنطة بإيد مرتعشة، بصيت حواليا على الأوضة، وقعدت على السرير بضيا"ع نزلت دموعي وكأنها بتواسيني في وحدتي، سمعت صوت كسر بصيت ورايا لقيته واقف بينهج، جاه قعد جمبي من غير مايتكلم، بعد فترة من الصمت، قال بِهدوء:

_لما قربت مني حسيت بشم"ئزاز مع أنها ماكنتش بالقرب اللي عقلك صورهولك بس رغم كده برضوا ماكنتش طايق وجدها معايا.

قولت بضياع والدموع مش راضية تفرقني:

_أزاي؟ دي كانت مراتك.

كملت بسخرية:

قد يعجبك ايضا

_ وأنا مجرد بنت عمك اتجوزتها؛ علشان مرات عمي ماتفضلش تكلمك كُلّ شوية في موضوع الجواز.

بصتله بإصرار وقولت:

_طلقني وابقا قول أنك مش بتحبني ومش مستريح معايا. 

قال بصوت غريب عليا:

_مش بحبك!

قولت بهزار مصتنع:

_مش دي الحقيقة ولا إيه يا حسام؟

قام وقف، وقال ببرود:

_طيب يا هنا طلاق مش هطلق وده آخر كلام عندي.

مسك الشنطة بتاعتي وطلع كل الهدوم اللي فيها ورماهم على السرير بعص"بية، وقال بح"ده نسبيًا:

_والهدوم دي ترجع الدولاب تاني.

كمل بخ"بث:

_وهدومي تيجي من الأوضة التانية تتحط هنا؛ لأن من النهاردة هنتشارك نفس الأوضة.

قولت بعدم فهم:

_ننشارك إيه؟

قال ببطء:

_الأوضة.

قولت بعص"بية وأنا بحرك إيدي بعشوائية:

_و ده ليه إن شاء الله؟

قال بسخرية وهو بيطلع من الأوضة:

_أصل التهوية هنا عجباني، فقولت أقعد معاكِ.

يتبع...

      رابط البارت الثاني        

تعديل المقال