رواية زهرة أصلان كاملة جميع الفصول

 رواية بئر كندراش الفصل السابع 7 بقلم نورهان اسلام

تقوم البلدة على يد الساحر كندراش وتنتهى بسبب قلب إمبراطور تعهد ان يحميها .. ستضاء الشموع امامه وسيحرق بها ... وسيغرق بسبب قلبه على يد فتاه من تلك الارض الذى هرب منها الساحر كندراش .... "

 وتحت امضاء "كندراش"

  الملك قفل الكتاب وهو بيتجه على جناحه .. كانت الملكة قمر قاعدة بتقرأ كتاب .. قفل الباب وهو بيبصلها وبعدين قال بأمر: قمر... يجب أن تغادر نجمة القصر.

__________________

  صحى من النوم دخل الحمام وبعدها المطبخ عمل حاجه يشربها وقعد وهو بيفتكر اللى حصل قبل ما يجى القرية

 

حمد لله على سلامتك يا حضرة الرائد

=الله يسلمك يفندم.. اتمنى اكون اديت الماموريه ديه بنجاح 

_ لولا انى كنت واثق فيك .. مكنتش خليتك تروح الماموريه ديه وضحيت بحياتك يا بنى 

 = تحت امرك يفندم فى اى حاجه 

_ تقدر تروح وتاخد اجازه شهر .. لكن فى خبر لازم تعرفه قبل ما تروح .. .. مكنش لازم تعرفه فى الماموريه .. لانه كان هيكون خطر عليك انت كمان 

=باستغرب خبر ايه يفندم؟؟

_ لما بعتنا حد يقول لولدتك انك مت .. لما سمعت خبر وفاتك جالها سكته قلبيه .. و ..وماتت يابنى ..

   البقاء لله

 اسر سمع الخبر من هنا وفضل فى حالة صدمه .. بص للواء وقاله:يعنى .. امى ماتت علشان حضرتك تنفذ المأمورية !

 فاق من شروده على رنة موبايله كان صاحبه رد عليه وقال: نعم يا مصطفى!

 مصطفى: هترجع الشغل امتى .. اللواء لحد دلوقتى صابر عليك ومش عايز يديك عقوبة .. اعقل يا أسر وارجع الشغل .. 

 أسر بزعيق ل مصطفى فى التليفون: مش هعقل يا مصطفى ومش هرجع الشغل ويوم ما هروح للكتيبة تانى .. هاكون رايح اقدم استقالتى من الخدمة .. 

قفل فى وشه السكه وهو بيبص ل صورة متعلقه على الحائط وكانت صورته هو ونجمه فى حفلة التخرج بتاعها وهو بالزى الميرى .. ابتسم وهو بيفتكر الأيام اللى كان عايش فيها معاهم ودمعة نزلت منه لما افتكر إنه لوحده حالياً 

___________________________

 قمر وقفت وسابت الكتاب وهى بتقول: نجمه لن تترك القصر ايها الإمبراطور .. 

  بصلها رناش بحدة وقال: ستترك القصر ملكة قمر ذلك أمر إمبراطورى واجب التنفيذ ..  

  سابها وخرج من الجناح وهى فضلت واقفه مش مستوعبه اللى الملك قاله

_______________________

 الصباح جيه وكانت نجمة نايمة ..

 

   بالامر الإمبراطورى قرر الإمبراطور ومالك أرض الساحر كِندراش بقطع رقبة الملكة قمر و والدها وذلك لمخالفتهم أوامر الملك  

صحيت فجاءة وهى بتنده على والدها بهستيريا... قمر و عبد الرحمن دخلوا عليها وهما بيحاولوا يهدوها .. دقات قلبها كانت سريعة جدا حاول عبد الرحمن وقمر يهدوها وبعد ما هديت بصتلهم وخوفها بدأ يهدأ تدريجياً .. بعد ما هديت عبد الرحمن بصلها وقال: مالك ... كنتى خايفى ليه يا بنتى 

  نجمه بهدوء وهى بتحاول متقلقش نفسها ولا حد: مفيش .. كابوس .. 

 اتنهد وهو بيبص لقمر اللى كانت شاردة وقال: مالك انتى كمان يا قمر 

 قمر بهدوء وهى بتحاول متقولش لحد اللى قاله راناش لحين ما تقنعه يسيب نجمه: لا مفيش يا بابا .. ها . هاروح اشوف رميان 

 قامت من مكانها وخرجت وهى بتقفل الباب وراها .. 

  نجمة بصت ل والدها وقالت: بابا .. مفيش مكتبة هنا .. انا بقالى فترة مقرأتش كتب .. 

  عبد الرحمن بإبتسامة: لا فيه .. تعالى .

 قامت معاه وصلها ل مكتبة القصر وقال: فيها كتب كتير جداً عن أهل الارض وعن اهل القرية وكتب علمية وثقافية .. تقدرى تقرأى اللى عيزاه ..

 دخلت نجمة المكتبة وهى بتبص لكمية الكتب الموجودة شافت واحد بيرتب الكتب عن طريق السحر وهو قاعد فى مكانه لفت نظرها كتاب الصحف بتاعته قديمة مسكته وهى بتقعد .. قرأت الغلاف وكان مكتوب" مذاكرت الساحر كِندراش "

 فتحته وهى بتقرأ فيه بتركيز وبتحاول تشوف لو فيه ثغرات الساحر كتبها تقدر تخرج بيها من الأرض .. وصلت لجزء كاتبه الساحر    

ماذا لو انتهت ارض كندراش العظيمه !!

 وانتهت معالم التهجين .. واصبح الانسان هو الشخص السائد فى الكره الارضيه!!!

  

 ركزت على الجزء ده وافتكرت إنها قرأت فى اول صفحة إن كل اللى فى الكتاب حقيقه ستحدث عاجلاً ام أجلاً 

 كملت قراءة فى الكتاب وهى بتحاول توصل لأى دليل تانى او عن كيفية انتهاء الأرض 

 

" قواها ستطغى على الجميع .. ستصبح أقوى نساء الأرض ... هى التى لن يستطع احداً إيقافها.. وكأن سحر الخدمات سُخر لأجلها هى التى ستضع الحروف على انتهاء الارض .. هى التى ستعود للحياة مجدداً ..."

   الامضاء بتاع الساحر تحت العبارة ديه كان بخط مميز عن كل مره ..  

 فجاءة وهى قاعدة الكتاب اتقفل واترفع من قدامها بصت شافت الملك راناش واقف وعينه مش مُبشره بخير .. اتقدم ناحيتها وهو بيقول بصوت صارم: كيف دخلتي مكتبة القصر ومن سمح لكِ بهذا!!

 فضلت بصاله ومش عارفه ترد تقول ايه الباب اتفتح بقوة وهو بيؤمرها تطلع برا المكتبة 

 طلعت برا المكتبة وهى رايحه جناح والدها دخلت الجناح بعد استأذن وقالت : بابا .. هى ازاى قمر اتعرفت على راناش .. وازاى مش بيرضي يخرجها 

  ضحك وهو بيقول: حكاية طويلة من اول ما كان والد راناش هو مالك الأرض وكانت قمر وقتها لسه طفلة .. كان بيقابلها بس وقت الاحتفالات ... وفى كل مرة كان بيحاول يلعب معاها لكن هى مكنتش بترضي تلعب مع حد إلا بعض اهل القرية اللى كانوا هنا ... كبرت قمر وكبر راناش وعلشان ياخد الأرض ويصبح الإمبراطور .. أمر بقطع رأس والده كان واقف وقت تنفيذ الحكم .. وده اللى خلى قمر تكرهه اكثر ... طلب يتجوزها ولكن كل مرة كانت بترفض لحد ما طلع أمر إمبراطوري إن حفل زفاف الملك هيكون بعد أيام على قمر و بعت حراس للكوخ بتاعنا استدعوها ورحت معاها .. حاولت تهرب كذا مره وحاولت معاها لكن كل مرة كان الملك بيلاقينا لحد ما قمر يئست إنها تهرب منه واستسلمت .. ومن وقتها و راناش مانع خروجها برا القصر إلا فى الاحتفالات ولازم تكون معاه ..

  بصلها وقال كان عندها أمل إنها تخرج من الأرض لكن حالياً بتحاول تخرج من القصر 

نجمه بصتله بحزن على اللى حصل لأختها وسكتت 

_______________

_ من الجيد إنك جئت إلى هنا ..  

قالتها قمر ل راناش اللى دخل جناحها  

 الملك قعد وهو بيقول : خلال يومين .. أريد أن تكون نجمة خارج القصر .. فهمتى 

 قمر وقفت قدامه وقالت: إذاً سنخرج معها سوياً 

   وقف راناش وعيونه بدأت تلمع بالنا_ر وقال : لا .. انا هنا من يأمر وليس أنتِ ..

 إذا لم تنفذِ ما اقول سوف أصدر أمر بقطع رقبتها  

    وقف الملك وهو بيمشي من الجناح .. بينما قمر قعدت ودموعها نازله ومش عارفه تفكر ازاى 

___________________

  فى الشركة اللى كانت نجمة شغاله فيها .. واحدة زميلتها سألت : هى لحد دلوقتى لسه مجتش بقالها أكثر من ٣ اسابيع ..

 رد واحد من اللى كانوا موجودين: محدش سأل عليها تانى من بعد اخر مرة 

   جت بنت وهى بتحط شاى على المكتب وقالت: طيب يا جماعه نقدر نروحلها النهاردة بعد الشغل نتطمن عليها ديه بردو زميلتنا ومن الواجب نسأل عليها ..

 اتفقوا كلهم على القرار ده وكملوا شغل بعدها 

_________________________

 بعد يوم

دخلت قمر عند والدها وهى متعصبه غمضت عينها واتنفست بصعوبه   

 نجمه باستغراب:مالك يا قمر 

 قمر اتعصبت واستخدمت السحر بتاعها وهى بتكسر فى كل شئ حواليها من اثاث .. وسط استغراب من نجمه انها قدرت تعمل كدا 

   بعد ما اثاث الاوضه كله اتدمر. قعدت على الارض وهى بتعيط .. جيه رميان وهو بيمسح دموعها وبيقولها: بتعيطى ليه يا ماما 

 حضنته وهى لسه بتعيط. وبعدين بصت لنجمه وابوها وقالت: منه.. انا تعبت منه 

 عبد الرحمن: راناش . عمل ايه تانى؟

    قمر كانت بتحكى ودموعها مش بتقف   

 

دخلت قمر الساحه الخاصه بالملك وفضلت تبصله وهى مستنياه يتكلم .. بص عليها وهو بيقول: كند اختك راش كند لازم راش كند تمشي راش 

 قمر بصدمه: كند ليه راش 

  راناش رد بعصبيه وهو بيقول: كند اوامرى راش كند تتنفذ راش كند مش راش كند عايز راش كند مناقشه راش 

  قمر: كند بس راش 

 الملك بصلها بعصبيه ومسك ذراعها وقال: كند نفذى راش كند اوامر راش كند الملك راش

بصتله وهى بتدمع .. اول ما ساب ايديها خرجت

   نجمه: يعنى لازم اطلع من القصر  

 قمر بدموع: انا اسفه.. انا مقدرتش اعمل حاجه

  عبد الرحمن: اشمعنا هى .. ليه مطلعنيش معاها 

 قمر ببكاء :مش عارفه .. مش عارفه 

 نجمه: طلوعى هيكون احسن ليا .. هحاول الاقى طريقه اخرج بيها من الارض ديه .. واخدكم معايا 

   رميان قرب منها وهو بيقول: وهتاخدينى معاكى نجمة 

   نزلت لمستواه وقالت: طبعا يا روح نجمة 

  

_____________________

  عدى يومين بدون أحداث وديه الموهلة اللى أداها الملك ل قمر علشان نجمه تسيب القصر    

 كانوا قاعدين لحين دخول الملك بدون أمر مسبق والغضب باين على وشه سحب السيف وهو بيحطه على رقبة نجمه

رابط البارت الثامن 

تعديل المقال