.jpeg){kind=small}
رواية حي العاشق الفصل السابع 7 بقلم سلمي تامر
رواية حي العاشق الفصل السابع 7 بقلم سلمي تامر
_مش بتحبني!!
سمير بتأكيد
_اه يايارا مش بحبك ومش معتبرك غير اختي ومفيش من ناحيتي اي مشاعر ليكي
يارا عنيها دمعت واتكلمت بحزن وقهر
_طب ليه.. ليه جيت انت واهلك واتقدمتولي وقرينا الفاتحة
سمير حس بنغزة في قلبه لما شافها بتعيط واتكلم بتراجع وندم
_يارا انا اسف اني جرحتك بالشكل ده بس صدقيني انا مش عايز اعيشك في وهم اكتر من كده
يارا ببكاء وغضب
_بس انت قولتلي قبل كده انك بتحبني !
سمير بهدوء
_يارا الكلام ده من ١٥سنه..يعني كنا ساعتها اطفال ولما كبرت ودخلت الجامعة ونضجت عرفت ان مشاعري ليكي مكنتش حقيقية ومبقتش شايفك غير زي اختي مش اكتر
يارا ببكاء وصدمة
_مكنتش حقيقية!
وبعدين ابتسمت وهي بتهزر دماغها بنفي واتكلمت بإنهيار
_لأ انت اكيد بتهزر
سمير انت بتقول كده علشان انا اتكلمت مع صاحبتك بطريقة مش حلوة صح؟
اكيد ده السبب لكن انا متأكده انك بتحبني وعلشان كده جيت اتقدمتلي وقرينا الفاتحة
سمير شاف منظر يارا وانهيارها وبقى واقف مش عارف يعمل ايه
_يارا ممكن تهدي
يارا بصراخ
_متقوليش اهدي
على فكرة بقا ياسمير انت الخسران وانا غلطانة اني بحبك وكنت بتمنالك الرضا ترضى
بس هو الانسان كده بيدوس على القلب اللي بيحبه بمنتهى القسوة
اعتبر ان علاقتنا منتهية
يارا سابته ومشيت وهي بتعبط وتجاهلت نداء زينب ورياض ليها وراحت تجري على شقتهم ببكاء وقهر
وئام وفاطمة شافوها وهي بتدخل أوضتها ببكاء وجروا وراها
فاطمة بخوف على اختها
_يارا !
مالك فيه ايه بتعيطي كده ليه
يارا بإنهيار
_طلع مبيحبنيش..كنت عايشة في وهم كل السنين دي
وئام بسخرية
_بجد؟
لأ انا بجد مصدومة حاجة مش متوقعة ابدا
وكملت بغضب
_ياحبيبتي ما كلنا عارفين انه مش بيحبك وقولنالك بدل المرة ألف بس انتِ اللي كائن مهزق ومكنتيش بتسمعي لحد
يارا بصتلها ببكاء
_بجد!
هو انا للدرجادي كنت عامية وغبية ومهزقة
وئام بتأكيد
_بصراحة آه
يارا بهدوء مصطنع
_سيبوني لوحدي شوية
فاطمة برفض
_لأ طبعا مش هسيبك لوحدك
يارا بترجي
_جماعة ارجوكم سبوني لوحدي صدقوني انا بقيت كويسة
وئام لفاطمة
_خلاص يافاطمة تعالي بلاش نضغط على اعصابها اكتر من كده
طبعوا البنات
وقامت وبصيت على نفسها في المراية ومسحت دموعها بعنف واتكلمت في سرها
_انا لازم اتغير
انا فضلت كل السنين دي بيتقال عليا مهزقة ومفوقتش غير لما اتجرحت من اكتر شخص حبيته في حياتي
بس خلاص ياسمير يارا القديمة ماتت
ومن النهاردة مش هركز غير مع نفسي بس وهغير كل حاجة فيا وهخليك انت اللي تجري ورايا وساعتها مش هبص في وشك حتى
~~~~
في بيت عيلة رياض
كانوا قاعدين كلهم حوالين سمير اللي بيبصلهم بملل
_ياواد متقول اللي حصل بقا بقالنا ساعة بنتحايل عليك
سمير نفخ واتكلم بتعب
_يجماعة فيه اي بقا مترحموني
خلاص العلاقة اللي دخلتوني فيها بالعافية انتهت
زينب شهقت بصدمة
_سيبت خطيبتك ياموكوس
عمر اتدخل بسخرية
_ايه ياماما الاوفر ده ما انتِ كنتي عارفه انه مش هيكمل معاها
زينب بتذكر
_اه صحيح ياواد فكرتني
رياض بحدة
_عاجبك كده يازينب،جرحتي البت انتِ وابنك اتمنى تكونوا ارتحتوا
زينب اتعدلت وبصتله بغضب
_جرى ايه يارياض وهو انا عملت كده ليه مش بسبب اختك اللي ماتتسمى اللي جت حسرتني على الواد وحسستني انه هيعنس
رياض قام وقف بغضب
_يوووه بقولك ايه كان فيه ميت طريقة غير دي متلبسهاش في اختي
محدش ضربك على ايدك وقالك دبسي الواد في الجوازة دي
زينب قامت وقفت قصاده واتكلمت بصوت عالي
_اه يلا يلا اقلب الترابيزة عليا وطلعني غلطانة ووحشة وبنت ستين ك++ يلا
وكملت ببكاء
_انا سيبالك البيت وماشيه يارياض
وجريت على اوضتها ببكاء
رياض بتراجع
_زينب..زينب خلاص انا اسف
وراح وراها
سمير لعمر اللي قاعد جنبه بهدوء
_ايه مجبتش ورقة وقلم وكتبت اللي بيحصل ليه زي كل مرة
عمر بصله بجدية شديدة
_لا منا صورت كل اللي حصل دلوقت فيديو
سمير بصله بصدمة واتكلم غضب
_يارب... صبرنيي يارب
~~~~~~~
سماح قاعدة وسط رجالتها وفجأة واحد دخل عليها
_يامعلمة..الواد سيد عايزك وبيقولك فيه حاجة مهمة اوي
سماح بأمر
_دخله ياحوده
حوده طلع ودخل بسيد اللي جرى على المعلمة سماح
سماح بإهتمام
_فيه اي ياواد؟
سيد
_وانا براقب كريم بيه يامعلمة شوفته طالع من بيت الظابط اللي اسمه ذياد اللي ماسك قضية المخدرات بتاعة حضرتك
سماح وقفت بصدمة وبرقت واتكلمت في سرها
_ده لو اللي ف بالي صح..يبقى فتحت عليك انت وعيلتك طاقة جهنم يا كريم
~~~~~
تاني يوم وئام راقبت فاطمة ويارا اللي كانوا قاعدين جنبها سرحانين وباين ان شكلهم حزين وعرفت هما بيفكروا في ايه
وئام في سرها
_بقا العيال الأغبية ولاد رياض عاملين في اخواتي كده!
والله لنتقم منكم كلكم
وفكرت شوية وابتسمت بخبث
_عمر
يتبع...
(حي العشاق)
البارت السابع
والله ياعمر ابن حلال وتستاهل اللي هيحصل فيك😂
من أول البارت الجاي هتبتدي علاقة الثنائي المفضل عندي(وئام_عمر)
واللي هتقوم عليها فكرة الرواية كلها
.jpeg "مدونة الرسم بالكلمات")