روايات حديثة

رواية البنت بتاعت الحواديت البارت الخامس 5 للكاتبة ساره عاطف

 







رواية البنت بتاعت الحواديت البارت الخامس 5 للكاتبة ساره عاطف 







* عايز اخد رايك ف حاجة مهمة 
نادر جيرانا من ٥ شهور بقى ف مدة قصيرة قريب منى وع طول بيحاول يكون موجود فى حياتى...
= خد رائي ...يارب بس متطلعش حاجة عبيطة 
* لا حاجة مهمة بجد
= اى بقا ؟
* ...تقولى ايه فى واحد بيبص لبنت بشغف طول الوقت 
= بيمثل عليها !
*لا مش بيمثل ده بيحبها وبيحب يسمعها ويشوفها قدامه 
= طب كويس 
* تفتكرى يعمل اى لو هى مش واخد بالها منه؟
= بتلمحلها!؟
*انا خايف حتى اعمل ده 
= ليه ماتجرب! مش يمكن هى كمان بتحبك ومكسوفة تقول 
* مش عارف ممكن ترفضنى !
= مضيعهاش من ايدك لو فعلا بتحبها قولها الحقها قبل ما تروح منك وساعتها هتتعب اعمل الى عليك سوا وافقت او لا بس علشان متتعبش بعدين فاهمنى ؟!
* اه فاهم هو ليه بتقولى الكلام من قلبك يا هبة كدا ؟
ابتسمت اوى ... وافتكرت سيف ساعتها ... 
= اصل انا ضيعت من ايدى شخص كان بيحبنى اوى كان مستعد يدينى روحه... لو طلبت ده منه ... كان لطيف انسان بكل معنى الكلمة 
*طيب اى حصل ؟ ع حسب كلامك انه حد جميل 
= وفوق الجمال بمراحل ... التأخير يا نادر التأخير بيضيع مننا حاجات عمرنا ما هنعوضها تانى 
*بالعكس كلميه وقولى الى ف قلبك ليه 
= ماهو خلاص مبقاش ينفع 
دموعى سابقة كلامى بكتير ... وانا حاسة ان خلاص كل حاجة اتقفلت ف وشي ... قعدت ع الرصيف
* اهدى ي هبة اكيد ف حل 
= لا مافيش انا عارفة ... 
مسحت دموعى ووقفت من مكانى 
نصيحة من اختك ... الحقها وقولها واتمنى متبقش خايبة زييا وترفض وجودك 
* طيب انا هعمل كدا بس عايز اساعدك ترجعى ل سيف نجرب وهو لما بيحبك كدا انشاء الله ترجعوا لبعض ... من ورا القلب قال !!!
= مش هينفع 
*ليه مينفعش ليه تفقدى الأمل!!! 
بحزن وحرق ووجع قلبى... الى كانى فيه سكينة ... 
= هو إلى بيموت بيرجع تانى !؟
اتنهدت قلبى عامل زى الى فوق منه حجر كبير من ساعتها ... 
كان بيعشق هبة والترب الى بمشي عليه ... دايما كان معايا خطوة بخطوة حتى زعلى ومشكلى كان شايلهم ولا عمره مل او تعب حتى لو بحكى معاه الف مرة في الموضوع انا الى عامية كنت شايفة ان كل ده عادى يحصل مش انا بنت عمه ... لحد ما فجائنى بحبه ليا 
يومها تفكيري كله اتشل... كنت حاسة انى ف حلم ... ازاى اشوفه اخ ليا واغير مكانته ل مكانة تانى .... هو قلبى زرار هدوس عليه يحطه ف مكان تانى !!! 
* تحبى نقعد ع الرصيف ؟
هزيت راسي وفضلت اعيط ومش قادرة احكى او حتى اتكلم 
* اهدى وبعدين نتكلم ... 
= بعد ما قولتله لا بيومين عمل حادثة بعربيته ومافيش ٣ ساعات من دخوله المستشفى ومات اليوم ده عرفت قد إيه هو غالى اوى وانى من غيره ولا اى حاجة حرفيا.... واكتشفت انى كنت غبية ومستهلش سيف 
*لو الوقت رجع بيكى ...كنتى هتصممى ع رائيك؟!
= لا كنت هفضل معاه كنت هختاره يكون كل حاجة ليا 
*ربنا يصبرك... عايز اقولك ان اكيد ربنا هيعوضك 
ابتسمت = مش هيكون زى سيف ... سيف ملهوش زى صعب يتقارن مع حد تانى ... وهو بيعترف بحبه كان اول جملة يقولها زى جملتك دى 
* اى هى؟ 
= لو شوفتى حد بيبصلك بشغف ومش قاصد يمثل عليكى لا هو بيحبك من كل قلبه هتعملى اى ؟
*قولتى اى ؟
= قولتله هشيله في عينى وجوا قلبى 
*ورده اى ؟
= قالى حلو انا بقا الى بحبك اوى كدا وانا الى ببص لملامحك بكل شغف كأنك سماا وفيها نجوم ونفسي يكون ليا فيها بيت 
*انتى كويسة طيب ؟! مد ايده بمناديل ناحيتى 
= اااه كويسة بس هو وحشنى جدا دلوقتى 

*واهو بقا ساكن السما 
= واخد قلبى معاه 
*تعالى نمشي شايف انك لازم تروحى دلوقتى 
= ماشي 

اااه لو تعرفى انى انا قاصدك انتى وبحبك انتى ... ومين ميحبكيش ..مين يشوف طببتك وميقعش في غرامك يا هبة!!!؟ الحب ده مرض لما بيمسك ف قلب حد مبيطلعش منه غير ب وجع !

كل لحظة فى حياتى معاه رجعت من تانى افتكرها مسكت صورته وفضلت حضناها وانا بفتكر كل حاجة مابينا... 

من سنه .......!

رن جرس الباب 
- هبة عاملة اى؟
=كويسة
- فين عمى ؟
= جوا 
- اى ال ف ايدك دى ؟
= فرشة بحط بيها الرجوجو
- طيب اوعى 
ابتسمت له... فضل شوية قاعد مع بابا 
كانوا بيتوشوشوا... وقام يمشي 
= سيف .. سيف 
- ايه ؟
= كنتوا بتتكلموا ف اى !؟
- بطلى تحشري مناخيرك ف الكبيرة والصغيرة 
= قولى مش احنا اصحاب 
- هبة ... 
= اممم قولى 
- الروج الأحمر ده حلو 
= انتو كنتوا بتتكلموا ع الروج!!
- لا بس كتير بشوف بنات بتحطه مكنش بيبقا حلو فيها بس انتى غير لونه عليكى حلو 
= طيب يلا مع السلامة بقا ...انت جاي تعاكسنى هنا !
- لا نحاسب ع الكلام انا بعاكس صباع الروج 
ضربته ع كتفه... وضحكنا ،سبنى ومشي 

= هو لازم توصلنى طيب هو انا قدامك صغيرة !! 
- ايوة صغيرة وعايزاك تسمعى الكلام 
= يووووووو بقا 
- اركبى العربية ويلا هوصلك ل اصحابك وهبقا ارجع اخدك... ولا تحبى افضل معاكى ؟
سكت وركبت العربية وانا مضايقة 
- مالك مش تردى عليا!
= ابقا ارجع روحنى 
- خوفنا عليكى ده طبيعي جدا ميزعلش
= دى خنقة 
- احسبيها زى ما تحسبيها مش هناقشك فيها 
= احسن 

- وصلنا ،شوفى اصحابك فين 
فتحت الجروب = نص ساعه ويجوا 
- طيب تعالى نقعد مع بعض لحد ما يجوا 
= هو فى اى بقا اى !؟
- ايه مالك !؟
= مينفعش كدة انت ع طول معايا زى خيالى انا مش بحب كدا 
- المفروض تفرحى ع فكرة مش تزعقى وتزعلى 
سكت - ايه الى ف ايدك ده 
= ايه الى ف ايدى بصيت ع ايدى !!! 
- خاتم اهو 
= لا ي راجل مكنتش اعرف 
- ممكن تورهولى 
= حاضر ي سيف 
خده منى ولبس في صباعه الصغير مكنش داخل لل اخر 
- بصي حلو فى ايدى ؟
ضحكت = هاته البسه 
- لا هاخده 
= خلاص بقا عايزة الخاتم بقولك 
- خدى اهو .... تيجى نقعد شوية جوا 
= ماشي ... 

- متتكلمى 
= اتكلم انت 
- اصحابك اتاخروا 
= لا مش اوى 
- طبليلهم ... ايدك 
= اى تانى عايز الخاتم ؟!
- لا صغيرة ليه؟ 
= خلقة ربنا 
- ورينى كدا 
حط ايده ع ايدى 
= يالهوى يالهوى انا مختش بالى من ايدك غير دلوقتى 
ضحك - هبة انتى كيوتة ف نفسك 
= شكرا يا استاذ سيف 
- اقولك على حاجه ؟
= قولى 
- لما ببصلك بحس ان الدنيا لسه فيها الخير وعيونك 
= مالها !؟
- تقريبا بتلمع ،وغريبة جدا 
كنت بسمعه ومش برد 
لحد ما البنات جم وهو قام مشي 

فى عيد ميلادى طلب ايدى ب خاتم جبهوالى 
- انا بحاول فيكى بكل الطرق انك تبقا ليا ممكن تقبلى هدية عيد ميلادك وكمان تقبلى تكونى ليا ؟
= تانى تانى مبتزهقش مبتتعبش!!! يا اخى انا مش عارفة ومش قادرة احبك حولت ومعرفتش اعمل اى تانى ... ؟!
قفل العلبة الى جواها الخاتم وبص ل بابا وبص لى اول مرة اشوف سيف الى شايل مسؤوليه بيته بعد موت باباه الشخص الى طبعه صعب وحاد واقف قدامى بيبكى ! مشي وساب العلبة ع السفرة جنب تورتة عيد ميلادى ودى كانت آخر مرة نتكلم فيها سوى 
المرة التانية شوفته وشافنى وانا بعيط عليه يوم الحادثة بعدها غمض عيونه ومفتحهاش تانى ...

ياريت الوقت كان يرجع تانى... كل يوم بكتبله جوابات وانام وصورته في حضنى... 
محظوظ جدا الى يلاقى حد من كل قلبه يحبه ب الشكل ده وفى كل حالاته يقبلها فيها معرفتش بقيمته غير متأخر اوى ...

صحيت من النوم ع صوت الموبايل وهو بيرن 
* هبة عاملة اى؟ 
= كويسة ي نادر 
* انا ف حاجة عايز اقولها ليكى انا حبيتك مش عارف ده حصل ازاى بس مش ب ايدى ... انا مش هضغط عليكى بس قولت اقول الى ف قلبى واعمل الى عليا خايف تروحى منى واتأخر زى سيف لان لو كان قال بدرى مكنتيش هتشوفيه مجرد صديق او اخ كان ممكن اخدتوا فرصة انا اهو اخدت بنصحتك! اخد نفسه ..... وكانت المكالمة دى نصها صمت رهيبة 

= ... انا اسفة محدش هيعرف ياخد مكانه ...
انا لازم اقفل 

بصيت لصورة سيف الى جنبى... وحطيت ايدى ع قلبى وانا جوايا شئ أكبر من الوجع حتى صعب اوصفه ب الكلام !!!


رابط البارت السادس
مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-