روايات حديثة

رواية اميرة القصر المجهولة الفصل الحادي عشر 11 بقلم اسماعيل موسي

 

رواية اميرة القصر المجهولة الفصل الحادي عشر 11 بقلم اسماعيل موسي


 



 رواية اميرة القصر المجهولة الفصل الحادي عشر





                                          انا وانتم لسنا على وفاق 

                                           لكننى سأكتب


_____ بعد ما نصبت السياج حول القصر، حسيت بالأمان، السياج مرتفع ومراقب بالكاميرات وهناك افخاخ قمت بوضعها بنفسى

افخاخ قبل السياج













ودا اول يوم ليه بعد السياج ما اتعمل وقررت انى افطر انا وباكو قدام البحيره فى الهواء الطلق

لبست شورت وتيشرت رغم ان الجو كان بارد شويه لكن الشمس كانت طالعه وبصراحه حسيت بالحريه ان القصر مفيهوش ناس غيرى 


حطيت كرسى قدام البحيره على طرف الميه وقدامى ترابيزه رصيت فوقيها الأكل وباكو قعد جنبى يشرب لبن

وقعدت اتفرج على الأوزات والبطات وهى بتسبح واقذف ليهم بعض الخبز ، الخبز إلى تجمع حوله سمك صغير قعد ياكل فيه

واشعة الشمس إلى كانت بتوصلنى من بين الغيوم كانت ممتعه وحسيت بدفاها على دراعاتى

وتذكرت ادم لما كنا بنرقص على العشب هنا وحركاته الخبيثه وضحكت

ادم ده طلع لئيم، وسرح بالى يا ترى ادم دلوقتى فين وايه كان قصده انه مش هيجوز دمارا وانه اختار واحده تانيه؟

وتمنيت انى اكون انا البنت دى رغم ان ده مستبعد انا فين وآدم فين؟

انا يدوبك بنت بسيطه

بس يا دارين اسكتى انتى مش بنت بسيطه انتى نينجا بتدافعى عن القصر وحدك إلى يشوفك وانتى شايله الرشاش وبتضربى نار ينبهر والله

كمان ادم قال مره انى سيدة القصر

لا دا قال اميرة القصر المجهوله كان كاتب كده فى الورقه بتاعة الورد


الورد؟ اه كان جميل اووى حبيت اللمحه دى، لكنه رحل وسابنى وحدى












وحسيت بنشاط

ضربت ايديه فى جيوب الشورت وقعدت اتمشي حول القصر وانا بتقصع وباكو جنبى

وشعرت انى اميرة القصر فعلآ وانى مرتبطه بالقصر اكتر من أى شخص

وسمعت حركه داخل الغابه كانت قريبه من القصر ومكنش فيه حاجه تخوفنى

السياج حامينى وقفت مكانى ابص على الغابه ولمحته من بعيد

وقعدت اقول هو؟ مش هو؟


كان بيضحك، يخرب بيته ضحكته زى تفتح الورده المنديه عسل صافى

بس دا مش ادم انا عرفته

دا الشاب إلى إدانى التميمه رغم شبهه بادم حاسه انه مش هوه

الصراحه متلخبطه

اصل ادم مكنش هيفضل بعيد كده، كان هيدخل القصر


وفضل فى مكانه وشاورلى بأيده من بعيد


فصلت ثابته مرضتش أشاور ولا اعمل حاجه وبعتلى قبله فى الهواء

الوقح

وحسيت القبله انطبعت على خدى ووشى احمر واتكسفت وكأنه حس بكده ضحك تانى

وبعدين ياربى فى الحوسه ديه؟


باكو قرب من السياح وكشر عن انيابه كأنه بيغير عليه

والشاب ده فتح فمه وكشر لباكو

باكو خاف واترعب ونط لورا وهرب، اول مره اشوف باكو خايف كده

بصيت على باكو اشوفه رايح فين لما رجعت بنظرى

الشاب كان اختفى


رجعت كل حاجه مكانها، الكراسى والمنضده وقررت اخد تغفيله مكنش فيه حاجه معينه ممكن اعملها

ونمت بارتياحيه وباكو فى حضنى لحد الليل


اول ما افتح عنيه لازم اكل عشان كده اكلت ودخلت غرفة المراقبه بصيت على الكاميرات ورجعت الشريط شويه

كنت عايزه ابص على الشاب ده كويس

رجعت الشريط لحد ما الشاب ظهر فى الفيديو وقعدت ابص عليه شويه فى اللحظه إلى اختفى فيها حصل زى غبش كده وانعدام رؤيه وشفت حيوان ضخم جدا بيركض

ياه معقوله يكون الشاب ده تعرض للخطر؟


ونزل الليل ومكنش فيه اي حاجه حوالين القصر، انا بدأت أشعر أن قطيع الذئاب بطل يهاجم القصر

انهم خايفين منى؟ وحسيت بزهو وفخر وخرجت من الغرفه

طلعت فوق سطح القصر وقعدت اتأمل النجوم والقمر ليله هاديه اقضيها وحيده مره تانيه، الليل كان قرب ينتصف وحسيت بالنوم















اترددت شويه واخيرا قررت النوم لو حد قرب من القصر أجهزة الانذار هتشتغل والاسلحه جاهزه فوق سطح القصر

نزلت للرواق ودخلت المطبخ اشرب ميه والساعه كانت ١٢ بالضبط

وسمعت صوت مرعب كأنه زلزال ضرب الغابه، جسمى اتلخبط

أجهزة الأنذار مضربتش ياترى فيه مشكله

خدتها جرى على سطح القصر، الصوت كان قادم من الغابه من منطقه بعيده لكن صوت مرعب اووى خلى جسمى ينكمش على بعضه

هو فيه ايه بيحصل ياربى؟

زى ماتكون فيه حرب داخل الغابه وحيوانات هاربه عماله تجرى برعب

وطيور محلقه فى السما حتى الطيور فى البحيره كانت عامله صوت مخيف

وحطيت ايدى على الرشاش حاسه فيه مصيبه هتحصل حالا، جسمى بيرتعش من الخوف

اول مره اسمع صوت مرعب بالشكل ده، صوت غريب يتخلله صراخ

واستنيت حاجه تحصل وايدى على قلبى انا حتى ما تجرأتش انزل الطابق الأرضى من شدة الخوف والحذر


اسماعيل موسى 

داخل الغابه كانت الحرب قائمه بين الذئاب والنمورين حرب استخدمت فيها كل الوسائل، كل قطيع بيحاول يقضى على التانى

رغم كده الحرب انتهت بمعاهدة سلام مفيش فريق قدر يحقق النصر لا فايز ولا مغلوب وكل قطيع بداء يجمع المصابين لعلاجهم والضحايا لدفنهم

كان كل شيء تقريبا بيقول ان الليله انتهت إلى سمع الصوت المدمر القادم كالرعد بين أشجار الغابه

الصوت إلى كان معروف للنمورين لما اتهجم عليهم وفقدو عدد كبير من قطيعهم

وكان الذئاب كمان عارفينه لما تعرضو للهجوم وقت انعقاد المجلس ومحاكمة ادم


وتعرض النمورين للهجوم اولا وظنو ان الذئاب نقصو المعاهده لكنهم سمعو صراخ الذئاب الذين يتعرضو للهجوم مثلهم 

لقد كان هو

الأول والآخر من نوعه

الذي صنع نفسه بنفسه

كان هو........


وتمزقت الأجساد وعم الصراخ والرعب ولأول مره منذ بداية التاريخ وقف النمورين والمستذئبين جنب إلى جنب فى مواجهة عدوهم الجديد

وسمع عواء هزيل الريح ايمير فوق تلته البرتقاليه يعلن مساندته لهم وارتفعت روحهم المعنويه حتى النمورين والذين يعتبر ايمير عدوهم

تشجعو ووقفو صف واحد لمجابهة الخطر


وظهر لهم بكامل هيئته لديه عيون واسعه مستعره خليط بين الأخضر والأزرق وشعر ناعم طويل كأنه طاوس

انياب كبيره واكبر مرتين من أى واحد منهم

كان يمتلك مظهر جميل لا يشعرك ابدآ انه ماكينة قتل مروعه

وخاطبهم _____


أأمركم ان تنحنو لى قبل أن اقضى عليكم جميعآ ، كلكم ستصبحون عبيد لى وانا سيدكم

لديكم فرصه واحده وانا لا أكرر كلامى مرتين


زمجرت صفوف النمورين والمستذئبين، ازاى يقبلو ا كائن دخيل يحكمهم

كائن لا اصل له ولا يعرفون مهيته؟




وهجمو عليه دفقه واحده.


ارتفع الغبار فى ظلام الليل، دارين نفسها شافت الغبار وسمعت الأصوات رغم بعدها

ولأول مره تحس بالخوف ده رغم أنها داخل القصر ومحاطه بكل الاحتياطات والاسلحه


ومزقهم، مزق كل من اقترب منه، طارت الاشلاء والجثث فى الهواء

وصرخ بصوته المرعب انا _____ دارا


وسمعت دارين الاسم والصوت زيهم

نهار اسود ايه الصوت ده؟


صوت تردد فى كل أنحاء الغابه وارتطم بجدران القصر وباكو قعد يموء

ويموء فى حضن دارين



        رابط البارت الثاني عشر          

مدونة الرسم بالكلمات
بواسطة : مدونة الرسم بالكلمات
تعليقات



حجم الخط
+
16
-
تباعد السطور
+
2
-