.jpeg){kind=small}
 |
رواية نبض السيف الفصل الرابع 4 بقلم ساره محمدالرابع 4 نبض لقيت اميره بصه ناحيه بره.. فبصت شافت امنيه خطيبه هشام واقفه قدام الكليه...ووقفت عربيه قدامها ونزل منها هشام وقف جنبها كلمها وبعدين فتح لها باب العربيه... نبض بصيت لأميره ومسكت المنيو بسرعه وقالتلها...بتوتر..كانت بتحاول تداريه.. نبض: اطلبلك ايه تاكليه... كانت بتحاول تغير الموضوع .. كانت بتحاول متخليهاش تفكر.. نبض : ااااميره... ولسا بتلمسها..راحت اميره واقعه من على الكرسى.. نبض بخوف وبصوت عالى : اميره!! تليفون اميره رن فى اللحظه دى.. ردت نبض بسرعه وبتوتر : الو ..اميره تعبت واغم عليها ... نبض : فى الكافيه الى قدام هندسه... وبتكلم الجارسون ..هاتلى ميا لو سمحت وبترفع راسها... لقيت واقف قدامها هشام وامنيه خطيبته... هشام بخوف: ايه الى حصل..مالها اميره..بقلمى ساره محمد طبعاً اتلم حواليهم كذا حد... هشام : طيب يالا نطلع على المستشفى.. نبض بخوف علشان عارفه ان سيف جاى : لا لا انا هحاول افو...قها قبل متكمل الكلمه هشام شال اميره ودخل جوه فى الكافيه وحطها على الركنه... وحاولت تفوقها بالميا بس مبتفوقش.. هشام بيكلم نبض : ي بنتى انتى انا عارفها متخافيش.. خطيبته بصيتله...وبصيت لنبض وقالتلها مش باباكى دكتور ينبض اتصلى بيه... راح باصص لخطيبته وقالها...لازم اخدها على المستشفى ..هو فى ايه يجماعه... هشام بتوتر : استنا ايه..انا هتصل على سيف..يجيلنا على المستشفى.... نبض بخوف : استنا بس..انا كلمت اخوها.. هشام بتوتر وخوف على اميره كان واضح عليه جداً : مش هستنا انا...اكتر من كدا...ولسا بيقرب من اميره..وهيشيلها... صوت وقفه وبعصبيه : شيل ايدك... سيف معطالهوش اى اهتمام..وشال اميره وبص لنبض وقالها تعالى...نبض طلعت تجرى فتحت باب عربيته.. وحطت راس اميره على رجليها .. وهشام طلع يجرى ركب عربيته..ولسا هيطلع.. امنيه خطيبته : انت رايح فين؟! انت مش هتوصلنى.. هشام : اركبى بسرعه تعالى معايا...(بقلمى ساره محمد) امنيه بنرفزه وصوت عالى : اجى معاك فين ؟! مش جايه فى حته انا ولا انت رايح... واحنا ماال...نا.. وقبل متكلمل الكلمه كان هشام طلع بالعربيه... سيف بزعيق وغضب اكن بركان انفجر : ايه الى حصل!! نبض : وانا مالى انا...وبعدين انت بتزعقلى كدا ليه؟!. سيف بشخط : انا مش هعيد سؤالى تااانى.....ايه الى وصلها لكدا!! وايه الى جاب الزفت ده عندكم؟ .. طبعاً كانت نبض عارفه من اميره ان سيف عرف كل حاجه فمعرفتش تستهبل.... نبض : احنا مالناس علاقه بيه هى تعبت نزلنا فى الهوا نشرب حاجه اغم عليها ...بصيت لقيته هو وخطيبته قدامى... وصلوا قدام باب المستشفى... سيف نزل من العربيه وفتح الباب وشال اخته... ووصل فى اللحظه دى هشام... هشام كل ميقرب ناحيتهم نبض قلبها يدق اسرع...خايفه من القيامه الى هتقوم دالوقت.. هشام بخوف وتوتر : الدكتور قال ايه ؟! قالها قدامهم بدون اى ثبات انفعالى... وده نرفز سيف اكتر وخلى تعابير وشه تتملى غضب اكتر.. سيف بنبره صوت عاليه : واانت..ولسا هيكمل نبض بصوت اعلى قطعت كلامه وقالت... واانت متخيل ان الدكتور هيرد علينا دالوقت ! ورفعت عينيها وبصت لعيون سيف وهى بتقوله... حاول تهدا ان شاء الله هتبقا كويسه... نبض بتكلم هشام : اومال فين خطيبتك ! نبض : كان باين اووى خوفك عليها لحد اللحظه دى ....ثباتك لأنفعالى كان معدوم.. نبض ابسمت ابتسامه بسيطه وقالتله بصوت واطى : قصدى انك تمشى دالوقت..ومتتخيلش انها تعبت بسببك ..لأنها اصلا مشافتكش وانا الى شوفتك وحاولت كمان ملفتش انتباهها..ولعلمك بقا هى لو كانت شافتك..كان برضو ولا هيفرق معاها... نبض بنبره صوت اعلى : قصدى ان وجودك ملهوش لازمه..وانك تمشى دالوقت ..لا قصدى تمشى على طول..روح شوف خطيبتك يا حضرت الظابط ....هشام ادايق جدا من كلامها وطلع ركب عربيته ومشى... نبض : مشا ..ولو سمحت توطى صوتك علشان الصوت العالى بيدايقنى... الدكتور : هى شكلها مأكلتش بقالها كام يوم وضغطها وطى مره واحده ..لازم تتغذى كويس..... وكمان شاكك ان فى سبب نفسى كمان... هى هتفوق كمان شويا واحنا علقنا لها محاليل وعملنا لها اللازم.. نبض : طيب ممكن ادخل اشوفها يدكتور..؟! الدكتور : اه ممكن اتفضلى.. سيف : هتخرج امتا كدا يدكتور ؟! الدكتور : لو هيبقا فى رعايه سليمه فى البيت ممكن لما المحاليل تخلص وتفوق.. بس يستحسن انها تفضل هنا لبكره.. سيف دخل ووقف قدام اميره وكان باصص عليها..وبيكلم نبض.. وبعدين مش هو....مجرد صدفه.. خرج سيف من الأوضه نزل يشرب فى الكافيتريا قهوه..ونبض فضلت قاعده مع اميره مستنياها تفوق.. بعد نص ساعه اميره فاقت....بقلمى ساره محمد نبض : انتى متعرفيش ايه الى حصل ؟! انتى اخوكى كان هياكلنى..ولا..هش.. اميره : بتقولى ولا ايه ؟! نبض : بقول ولا الوقعه الى وقعتيها... نبض مكنتش عوزاها تتعلق بحاجه تانى..بتحاول تساعدها انها تنساه... وفى اللحظه دى دخل سيف ....بقلمى ساره محمد سيف : عامله ايه دالوقت ؟! اميره : الحمدلله معلش قلقتك ... سيف : انتى ..انتى..انا اترعبت عليكى.... نبض وقفت جنبه وحطت ايديها فى جنبها وبصيتله بأستغراب... الى هو ازاى بيعاملها حلو كدا وبيتنرفز عليا انا ويزعقلى... نبض : لا مفيش حاجه ..انا هخرج اعمل مكالمه وراجعه... نبض : الو يا دادا فاطيمه...روحى النهارده وخدى اجازه ...وخلى الشغاله كمان تروح..علشان انا مع صاحبتى فى المستشفى ..علشان هى تعبانه..ومتخافيش استأذنت من بابا.. وبصوت واطى..سامحنى يا رب على الكذب ده.. دخلت نبض الأوضه..لقيت سيف بيقول لأميره المحلول هيخلص ونروح... اميره بصيت لنبض وقالتلها : نبض ممكن تباتى معايا النهارده..علشان تعبانه .. نبض بصيت لسيف : وسكتت شويا وبعدين قالتلها تمام هقول لبابا... خرجو من باب المستشفى وكانت الدنيا ساقعه... نبض : اقلع الجاكيت بتاعك ... نبض : الدنيا ساقعه واختك تعبانه.. قلع جاكيت البدله وحطه على كتف اميره وركبو العربيه واميره ورا هى ونبض ...واميره نايمه على كتف نبض... سيف : انا حاسس انى السواق.. سيف راح باصص عليها من المرايه ومردش عليها بس ادايق اميره مكانتش معاهم خالص وكانت نايمه من التعب... سيف : تعبت شويا بس يبابا ووديتها المستشفى باباه : ازاى متتصلش عليا ؟! نبض : الحمدلله تمام يعمو.. طبعاً امبارح اميره عرفته على نبض انما سيف فرجع البيت متأخر اليوم ده... اميره ونبض طلعوا الأوضه..اميره كملت نوم من التعب... نبض : يبنتى متناميش اصبرى كلى حاجه الأول.. وفتحت باب الأوضه وبصيت لقيت باباهم.. نبض : عمو ....فين الشغاله ؟! هو : روحت....لو عاوزه اى حاجه المطبخ تحت على ايدك الشمال.. دا بيتك يبنتى انتى زى اميره.. هو : لو احتاجتى حاجه ابقى اندهى عليا او على سيف...ومشى ودخل اوضته... نبض نزلت المطبخ..لقيت النور طافى وباب التلاجه مفتوح...قربت اكتر من باب التلاجه..لقيت سيف بيطلع راسه من التلاجه... سيف : ايه ..شوفتى عفريت ؟! نبض : بلعت ريقها وحطيت ايديها على قلبها... سيف : م طلعتى بتخافى اهو.. نبض : هو انت كنت بتعمل ايه جوا التلاجه؟! سيف : كنت قاعد شويا علشان الجو حر ... ما اكيد يعنى كنت بجيب اكل وحاجه اشربها... نبض : طيب والنبى اعمل حساب اختك التعبانه معاك ..سيبلها حاجه تاكلها..سيف : التلاجه عندك مليانه..وسابلها الباب مفتوح واخد معاه اكل وعصير ومشا... نبض اخدت الأكل وطلعت جات تأكل اميره لقيتها راحت فى النوم خالص... قررت انها متنامش وتستنا اميره لما تصحا علشان تأكلها... وفتحت باب البلكونه وطلعت فى الهوا... بصيت تحت فى الجنينه لقيت سيف قاعد تحت جنب البسين على الكرسى وحاطط الأكل على التربيزه وبياكل... نبض : الأنسان دا غريب اووى..وبيكرهنى اووى..وانا كمان مبطيقهوش..بس شايفه جواه حاجه كويسه... جابت نبض الكرسى وقعدت فى البلكونه وفضلت باصه عليه..وهو اكل ومسك تليفون شويا ونام على الكرسى.. ونبض هى كمان راحت عليها نومه على الكرسى وكانت سانده بأيديها على حرف البلكونه وراسها على ايديها .. صحيت اول الشمس مضربت فى وشها...فتفتح عينيها لقيته واقف تحت قصادها وباصص عليها.... رجعت بسرعه بالكرسى لورا...ودخلت جوا... طبعاً اليوم ده محدش فيهم راح الكليه... اميره : تعالى ننزل نفطر.. اميره : سيف مشا راح الشغل من ساعتين على فكره..وبابا كمان .يعنى مفيش حد ..تعالى ننزل نفطر فى الجنينه علشان حاسه انى مخنوقه... نزلوا قعدوا تحت وفضلوا يتكلموا.. ونبض مقدرتش تمسك لسانها وحكيت لأميره على كل الى حصل.. نبض : اووف نسيت الميا مفتوحه فى الفيله وانا باخد شاور ...لازم اروح اقفلها ..الفيله هتتغرق... اميره : مكنتى اخدتى الشاور هنا ..ايه لزمتها الشحطته ديه.. نبض : انا بابا واخده منه الأذن بالعافيه انى ابات معاكى..ولولا كمان ان باباكى هو الى كلمه... اميره : مقولتك خدى لبس من عندى...ايه المشكله نبض : معلش بحب لبسى..ومبعرفش البس مكان حد . نزلت نبض ...وراحت الفيله...وسيف جه من الشغل وخبط على اوضه اميره ودخل يطمن عليها... سيف : عامله ايه النهارده ؟! معلش ممكن ترنلى على نبض من تليفونك هقولها حاجه علشان رصيدى خلص... ومسك تليفونه واتكا على اتصال... اميره : انا رايحه الحمام .لما ترد قولها متنساش تقفل الباب كويس وتجيبلى مفاتيحى الى كنت نسياها عندها... وسابته ومشيت ...نبض فتحت.. سيف : الو بتقولك اميره متنسيش مفاتيحها واقفلى... قطع كلامه صوت نبض وهو بتقوله :شششش... وبعدين صوت ربكه والتليفون اترمى على الأرض... الشخص : هاتى المجوهرات الى هنا... نبض : مفيش مجوهرات هنا... الشخص : ومفيش دهب والخزنه فاضيه.. الشخص : لا هاخد حاجه تانيه منك احسن... سيف طلع المسدس ورمى التليفون وطلع يجرى... رابط البارت الخامس |
.jpeg "مدونة الرسم بالكلمات")