روايات حديثة

رواية من حياة النور الفصل الاول

رواية من حياة النور الفصل الاول



 انتهت اول قصت حياتى عند الكلمة دى

أنتِ طالق اتقالتلى اول يوم فرحى  بنفس الصيغه 

الاشخاص 

نور (البطله)25سنه مهندسة ديكور 

أكرم (والد نور )52سنه مهندس

اسلام (جارهم القديم)  52سنه دكتور نسا وتوليد 

يحيي (ابن عم نور)28سنه دكتور 

احمد (ابن عم نور)25سنه مهندس 

  علي (جوز نور)السابق 28سنه دكتور 

                          اسمعوا

     هو عليّ جاى امتى يا ماما احنا كده هنتأخر على المعازيم جدا الساعه بقت 6 واحنا حتى معملناش سيشن ولا اى حاجه كده هنروح القاعه على الساعه 9

مامت عليّ(سعاد): متخفيش يا نور يا حبيبتى هو جاى صدقينى 

مامت نور (زينب)بسخريه  :هتلاقيه لسه مشغول بالحاجه اللى مخلصهاش من الصبح بالذمة فى عريس يسيب عروسته تجى مع ابن خالته الكوافير ليه يعنى 

نور:خلاص بقى يا ماما هو اكيد مشغول 

(أكرم) ابو نور :لو سمحتى يا حاجه سعاد عاوزك 

خرجت الحاجه سعاد :نعم يا استاذ أكرم 

***ايه يخلى ابنك يسافر اسكندريه دلوقتى

::::ابنى سافر اسكندريه ليه 

***انا بسألك يا حاجه 

::::انا معرفش بجد يا استاذ أكرم 

***انا اقولك يا حاجه ابنك جاله تليفون انهارده قاله أن مراته اللى فى اسكندريه بتولد 

:::::مراته 

***يا حاجه انا مكنتش عاوز اكتب كتاب بنتى بس انتو اللى اصريتوا دلوقتى انا بنتى هتبقى مطلقه متغير متتجوز 

::::انا مش مصدقه على عمره ما يعمل كده 

***يا حاجه انا متأكد من اللى بقوله ولو مش متأكد اكيد مش هاجى اقف الوقفه دى واقول الكلام دا واللى اكدلى الكلام دا جارنا  القديم الدكتور اسلام 

:::الحاجه بتعيط انا مش قادره اقول حاجه انا أسفه انا حاسه انى مشلوله 

***أهدى بس يا حاجه اهم حاجه بنتى دلوقتى انها متفضلش على ذمة ابنك دقيقه كمان علشان كده انا طلبت من يحيي ابن اخويا يروح يجيبه وانا هاخد بنتى واروح على بتنا 

وقفت الحاجه سعاد تاخد نفسها ببطئ وفجأه وقعت على الأرض 

جت الست زينب هى ونور  على صوت جوزها اول ما شافت الحاجه سعاد رقعت بالصوت ونور فضلت تعيط على حماتها وعلى  يومها اللى هى حاسه من الأول أنه مش هيعدى 

طلبوا الإسعاف وفى الوقت دا فى القاعه كان احمد ابن عم نور التانى بيعتزر للمعازيم بحجه ام العريس تعبانه 

وصلوا للمستشفى كان أكرم بلغ يحيي ويحيي جه هو عليّ بعد شوية 

اول ما وصلوا نور جريت على عليّ

نور :متخافش يا عليّ ماما هتبقى كويسة يا حبيبى الدكاترة طمنتنا

نور لاحظت ثبات عليّ :مالك يا علي مبتتكلمش ليه ماما خلاص انتقلت اوضه عاديه وبابا وماما معاها جوه 

عليّ:نور انتى طالق 

نور بصت عليه وفضلت تضحك جامد وبصوت عالى وفجأة وقعت فى الارض 

جه علي يقرب منها وقفته ايد يحيي انت احسن ليك تختفى من حياتنا وبالذات حياة نور 

وشال نور ونادى على دكتور  ودخالها أوضة وهنا خرج أكرم وزينب على صوته وهو بيزعق ويقول دكتور  

جريت زينب على بنتها وهى منهاره

 ووقف أكرم قدام علي 

ليه كده يا بنى ويا ترى متجوز بقالك سنتين اول ما خطبت بنتى ولا قبلها وصحيح دا المولود الكام 

علي.. والله يا عمى انا مش عارف اقول ايه بس انا  

  قاطعه أكرم :ميهمنيش دا كله اهم حاجه انك لازم تطلق بنتى رأسمي و انهارده لا مش انهارده دا دلوقتى

 ونادى على يحيي

يحيي روح هات المأذون حالا  

يحيي: حاضر يا عمى بس هجيب الدوا دا لنور 

أكرم بزعيق:روح يا يحيي دلوقتى وانا هتصرف 

يحيي :حاضر يا عمى تحت امرك 

وبالفعل تم الطلاق رسمى 

   ونور اغمى عليها ومش عاوزه تفوق  

   ‏عدى كذا يوم ونور على نفس الحال 

   ‏وف يوم يحيي قاعد وأبوه وأمه وأكرم وزينب وأحمد وأبو وأمه ( هى دى العيله يا جماعه وفى كمان هند  اخت يحيى ومحمد اخو احمد ومتجوزين ومسافرين امريكا وهند حاليا حامل بعد كام سنه جواز فعلشان كده هما مجوش  الفرح علشان ركوب الطياره خطر على  الحمل ونور وحيده ابوها وامها ) 

   ‏المهم فجأه نور بدأت تتحرك

   ‏ جرى عليها(الكل ) ابوها وامها ومرات عمها ام يحيى (سحر )

   ‏وام احمد (مروة) فضلت العيله كلها بتبكى على حال الغلبانه اللى مدخلتش دنيا وعلى الحاله اللى وصلت ليها الكل بينادى عليها وهى مش سامعه لحد وبتعيط بس

   ‏جه الدكتور طمنهم على حالة نور وقال إنها عادى تخرج 

   ‏بس لازم تتابع مع دكتور نفسى

   ‏

  وهنا هتبدأ القصه 

ونعرف يا ترى نور بس اللى قلبها مكسور على طلاق علي ليها 

ولا حد تانى قلبه مكسور على حبيبته اللى مش عارف يعمل ليها حاجه ولا فرحان علشان جاتله فرصه انها تبقى ليه 🙂🖤🖤🖤

بقلم 🖤ندا_أحمد

رابط البارت الثاني

تعليقات



حجم الخط
+
16
-
تباعد السطور
+
2
-