روايات حديثة

روايه المتمرده الصغيره البارت التاسع عشره

البارت ال19
#المتمرده_الصغيره 






بيخبط علي علي الباب وبيدخل 

بيقرب علي من وعد 

علي - وعد انا ....

بيقطع كلام علي تلفون وعد بيرن 

وعد - معلش يا علي دقيقه خالد بيرن عليا 

علي - لا لا خدي راحتك 

بترد وعد علي التلفون وبتتصدم 

وعد - نعم خالد اخويا 

بيقع التلفون من ايد وعد وتبص لعلي بعنين مليانه دموع 

وعد - الحق يا علي 

علي - في اي يا وعد 

بتعيط وعد 

وعد - في واحد بيقولي ان خالد كان في مداهمه 
ومضروب بالنار وحالته خطر 

بيتصدم علي وبياخد وعد ويجرو لتحت بسرعه 

وعد - خد انت عربيتك وانا هروح بعربيتي 

علي - لا لا هنروح بعربيتي مش هبقي مطمن عليكي وانتي سايقه وحدك 

بياخد علي وعد معاه في العربيه وجريو بسرعه 

بيبقي علي طاير بالعربيه 

وعد - انا خايفه يا علي 
خايفه علي خالد قوي 
انا مش عارفه ليه مصمم يبقي في الصعيد 
والمنيا كلها مشاكل وقرف 

علي بيبي لوعد - المنيا 

وعد - اه المنيا مالها 

علي - لا لا مفيش 

بتفتكر وعد ان علي من المنيا اصلا وبتفكر انه هيفتكر حاجه 

بيوصلو المنيا وبينزلو من البلد اللي كان ساكن فيها علي 

علي - انا حاسس اني اعرف البلد دي 

بتبص وعد لعلي وتبرقله جامد 

وعد - يا علي دا وقته اجري خلينا نلحق خالد 

بيجري علي بالعربيه وفجاه بيظهر قدامه راجل كبير وبدقن كبير 

بيفرمل علي بسرعه 

بتقف العربيه قدام الشيخ دا 

مبيبصش الشيخ علي العربيه 

علي - اسف يا حج مختش بالي منك 

سعد - ولا يهمك ياابني 

بيعدي سعد وبيركز في الصوت بيحس انه عارفو

وبيمشي علي وبيفكر في شكل الراجل دا وصوته 

وعد - شد شويه يا احمد 

علي - احمد 

وعد - احمد مين 

علي - انتي قولتي احمد 









وعد - احمد مين انا قولت علي 

علي - ماشي ماشي 

بيوصل علي ووعد المستشفي 

بيبص علي علي المستشفي والمكان بيحس انه عارفو 

بيطلع علي ووعد لخالد 

بيبقي خالد مضروب بالنار في رجله وفي كتفه 

بتوصل وعد لاوضه العمليات وبيروح علي للحسابات 

بيقعدو يستنو شويه لحد ما يطلع خالد من العمليات 

بعد ساعه بيفوق خالد 

بتبقي وعد بتعيط وعلي قاعد يهديها 

بيصحي خالد 

بتحضنه وعد 

وعد - كفاية بقا يااخويا 
سيب بقا البلد دي وارجع القاهره 
خليك معانا بالله عليك 

خالد - يا حبيبتي انا بحب البلد دي ومتعود عليها 

علي - بس بقالك زمن فيها يا خالد 
مفيش مشكله لو طلبت نقل القاهره 

خالد - حاضر يا علي 
هقدم طلب نقل 

بعد شهر ....

بيحول خالد علي القاهره 

عند نور 

الدكتور - الف مبروك المدام حامل 

نور -بجد 
الف مبروك يا سحر يا حبيبتي 

سحر - الله يبارك فيكي يا حبيبتي 
هو عمر فين
مش فاضيلي طبعا 

نور - معلش يا حبيبتي 
لو كان يعرف كان اكيد جه 

الدكتور - انا لازم اقابل الزوج 

نور - حاضر يا دكتور 
المره الجايه هيبقي معانا 

سحر - يا حبيبتي اتاخرتي علي شغلك 

نور - يا حبيبتي فداكي عادي 
يلا نروح

بتروح نور وسحر البيت 

بيوصلو البيت بيكون عمر قاعد بيحشش 

نور - طيب هنزل انا الشغل 
ومتتخانقيش معاه 
عشان متتعبيش 

سحر - ماشي يا نور 

بتنزل نور تروح شغلها 

سحر - انت قاعد هنا ولا علي بالك 

بيقوم عمر وفي ايده سيجاره 

عمر - اي يا قمر مالك 

سحر بنرفزه - قمر اي وزفت اي 

عمر - مالك بس يابت ما الدنيا حلوه 
تعالي بس في حضني 

سحر - اوعي ابعد عني 

عمر - اهدي بس 
جايه زعلانه ليه 
صحبتك نزلت 
يلا بقا 

سحر - قولت لا 
وبعدين انا حامل 

عمر - نعم 

سحر - اي بقولك حامل 

عمر - بس احنا مكناش عايزين عيال دلوقت 

سحر - واهو ربنا اراد بقا 
عشان تتعدل شويه 
بدل ما احنا قاعدين علي قفا ومصاريف نور 

عمر - مش هي اللي قاعده معانا تبقي تدفع 

سحر - قاعده معانا في اي 
نور اختي 
ودا بيتها زي ماهو بيتي بالظبط 
ياريت بقا تحس علي دمك وتشوف شغل 
عشان مصاريفنا ومصاريف ولادتي 

عمر - طيب طيب 

بتروح نور الشغل بيقابلها المدير 

فتحي - اي يا ست نور 
هتفضل نستني جنابك اليوم كله 

نور - معلش يا مستر 
والله اختي ...

فتحي - بقولك اي ولا اختك ولا امك 
متجيش متاخره تاني 
يلا امشي

بتمشي نور من قدامه وتدخل لصحباتها 

هبه - متزعليش نفسك يا نور يا حبيبتي 
هو راجل ابن كلب نعمله اي 

نور - عادي يا هبه انا متعوده علي القرف 
اطلعي شوفي الطلبات اللي علي ترابيزه 6 علي ما اغير

بتبقي نور قرفانه من الشغل في الكافيه وقرفانه من الظلم كل شويه 

بتروح نور بالليل بيكون عمر بيتخانق هو وسحر في اوضتهم 

سحر - قولتلك بكره لازم تروح معايا للدكتور 
هو عايزك 

عمر - بقولك مش هروح عند حد مليش دعوه 

سحر - ملكش دعوه ازاي 
مش انت جوزي 

عمر - يووووووه يادي جوزي وقرف






 
كان يوم اسود علي دماغك 
انا غاير في داهيه من وشك 

بينزل عمر من البيت وبتقعد سحر تعيط 

بتدخل عليها نور الاوضه 

نور - متزعليش يا سحر 

سحر - انا زهقت يا نور 
كان يوم اسود 
مستحيل دا عمر اللي حبيته 
مستحيل 
عمر كان حاجه تانيه خالص 
معرفش ازاي بقي كده 

نور - معلش يا حبيبتي 
يمكن من قله الفلوس 

سحر - فلوس اي 
ما ينزل يشتغل 
ماانتي بنت اهو وشغاله 
وانا لولا هبله معرفش اشتغل 
لكنت نزلت اشتغلت 
بس هو مش هيوافق 

بتطلع نور فلوس وتديها لسحر 

نور - خدي اديهمله 
يمكن مش معاه فلوس 
عشان كده مش عايز يروح معاكي 

سحر - كفايا بقا يا نور 
انا بقيت مكسوفه منك قوي 
انتي بتصرفي علينا 
وكده كتير عليكي 

نور - يا عبيطه انتي اختي 
و مفيش بين الاخوات حساب 
انا لو قعدت طول عمري اخدمك 
عمري ما هرد جزء بسيط من الحاجات اللي عملها معايا بابا حسين 
الله يرحمه 

بتحضن سحر نور 

نور - انا هروح انام عشان تعبانه 

سحر - حاضر يا حبيبتي 

بتروح نور تترمي ع السرير و تنام 

بيرجع عمر اخر الليل سكران 

بيدخل الاوضه علي سحر لتكون صاحيه ومستنياه 

سحر - خد الفلوس دي 
وبكره هتنزل معايا للدكتور 

عمر - جبتيهم منين 

سحر - نور سمعتك وانت بتتخانق معايا 
فا اديتهملي 

عمر - والله نور دي جدعه وبتفهم 
انزل معاكي يا قلبي 
ربنا ما يحرمنا منك يا نور 

تاني يوم بينزل عمر مع سحر عند الدكتور 

الدكتور - انت جوزها 

عمر - ايوه يا دكتور 

الدكتور - طيب بص معايا 
المدام لسه في بدايه الحمل 
والفتره دي لازم راحه تامه من كل حاجه 

عمر - ازاي يعني 

الدكتور - يعني مفيش جماع خالص 
ولا تقربلها 

عمر - ودا لمده قد اي 

الدكتور - يعني شهرين علي الاقل 

عمر - شهرين 

الدكتور - ايوه 

بيروح عمر مع سحر البيت 

بتقعد سحر تضحك علي عمر وانه مدايق من كلام الدكتور 

عمر - دا مجنون شهرين اي دول 
هقعد انا شهرين ازاي كده 

بتقعد سحر تضحك عليه كتير 

بعد شهر 

بيقعد عمر يتخانق مع سحر 

عمر - يا سحر اخلصي بقا بقالنا شهر كده كتير 

سحر - انسي 
انت عايز تموتني ولا اي 





نام يلا 

بتنام سحر وبيقعد عمر يفكر 

عمر في نفسه - طب واشمعنا سحر يعني 
ما في نور قاعده معانا 
ودي جوزها ميت من فتره و اكيد بتفكر في الحاجات دي 
والله لاحاول معاها 

بيبص عمر علي سحر بيلاقيها نامت 

بيقوم عمر يتسحب ويطلع لبره 

ويقرب من اوضه نور ........

يتبع.........

يا ترا عمر هيعمل اي مع نور 
مصير نور اي 
يا ترا يا نور هيحصل معاكي اي 
علي حب وعد 
وخالد رجع القاهره 
علي هيعترفلها ازاي 
نور هتظهر في حياتهم ازاي
سعد فين 
الصعب جاي 😎🙂

تابعوني 🙂

الكاتب / youssef 

1

تعليقات



حجم الخط
+
16
-
تباعد السطور
+
2
-