ولاء قالت لأمها اه ربتينا وعشتى علينا بعد ما
قتلتيه ومسكت الميداليه الفضه وقالت فاكره الميداليه دى؟؟ ولا مش فاكره ؟؟؟ شكلك كده مش فاكره .. يبقى افكرك أنا يا عينى عليك يا بابا المرض اشتد عليه وكان بيتعذب ويتألم
وانتى دخلتى عليه وفضلتى تحسسيه انك خدامه لي ومستحمله مرضه ومظلومه معاه وهو يا عينى يرد عليكى بصوت ضعيف ومكسور ويقولك أنه هيعوضك وهيبقى كويس وانتى قرفانه وتتنفخى فى وشه كل شويه منه وانا كنت اقف ورا الباب وأشوف جبروتك وقوتك واخزن جوايا اكتر وبابا يصعب عليه بس مكانش بإيدى حاجه لحد ما جه اليوم المشؤم
الام مسكت ولاء من هدومها وقالت اسكتى يا بنت بطنى ايه هو انتى بنت حرام
ولاء : ههههههههههه يا عالم ما اللى زيك يعملها
الام : اسكتى اسكتى انتى شيطان شيطان
ولاء : طيب وطى صوتك ههه للناس تسمعنا هنتفضح كده
الام انهارت وقعدت ع الأرض وحطت أيدها ع خدها واتكسرت تماما
وولاء مش ساكته وابتدت تكمل شافت ايه فاليوم المشؤم وقالت
عارفه اليوم ده انا شوفتك بعينى فى حضن عمى وحتى بابا اليوم اللى قدر يتحرك فيه وكان مبسوط مسك ايدى وقالى تعالى نفرح ماما انى بقيت كويس كان نفسى اقولوا بلاش بلاش يا بابا دى متستهلكش ومشيت معاه لحد اوضه نومنا عارفه يعنى ايه اوضه نوم ولادك وتعملى فيها كده واول لما فتحت الباب بابا شافك وقع من طوله ومات اتيتمنا بسببك
وبعد دفنه بابا كأن القدر بيقولى شوفى كل حاجه سمعتك بتتوسلى لعمى وكان بيعيط ويقول إنه ندمان وأنه السبب فى موت اخوه بس ده ميمنعش أنه وسخ وطبعا انتى اتجننتى وشوفتك بتبوسى رجله وعاوزاه بس هو رفض قال ايه زعلان ع اخوه وهو وسخ بس عارفه يا ماما هو زهق منك مش زعلان ع اخوه وانتى فهمتى وكنتى هتموتى عليه وبعد
موت بابا بخمس شهور عمتى طلبت من عمى الوسخ يتجوزك وهو رفض بحجه أنه عاوز واحده مش متجوزه حتى مش عاوز يعمل خير فى عيال اخوه اللى خرب بيتهم علشان وسخ وزهق منك وانتى الكلام وصلك واتجننتى وجالك حاله اكتئاب فاكره يا ماما لما بعتينى اشترى سم للفيران وخلتيه عندنا مكنتش اعرف انك هتستخدميه لقتل عمى ..
الام : اسكتى هه اسكتى انا بموت يا كسره قلبى انتى شيطان يا ولاء
ولاء : انا بذرتك يا ماما اتعلمت منك
ولاء فضلت تتحرك فى اوضه النوم وتحكى وقالت . فجأه لاقيتك انتى وعمى بقيتوا زى الفل هههه المياه رجعت لمجاريها وبقى كل
يوم عندنا وانتوا الاتنين ضحك وهزار والعلاقه بينكم رجعت زى الاول واكتر بس اللى اختلف فى سرير اخوه لحد ما جه اليوم إللى كنا فيه فى بيت جدتى وانتى حطيتى السم فى الطبق بتاعه وانا شوفتك بعينى ما هو سم الفيران اللى اشتريته وعمى مسك بطنه ومن عمله الاسود مماتش ع طول فضل
يطلع فالروح قدام العيله كلها ولما عمى الكبير شاله وراح بيه المستشفى قال هناك أنه هو اللى سم نفسه مع أنه متأكد أن انتى اللى عملتى كده لما عرفتى انه هيتجوز بس يلا اهو سابك تعيشى تربينا يمكن الوسخ حب يتوب بس ده زانى فالنار انا ابويا اللى يستاهل الجنه هو اللى اتخان منكم لله واليوم ده عمى الكبير
رجع وقال خبر وفاه عمى الوسخ وساب محفظته والميدالية بتاعته ع الترابيزه وانتى خدتيها وكل يوم كنتى بتعيطى عليه مش على ابويا علشان انتى شبهه وطبعا فرحتى علشان قال إنه سم نفسه قال ايه حزين ع اخوه اللى هو كان سبب موته
الام : خلاص عاوزاه ايه منى يا ولاء عاوزه تحبسى امك
ولاء : لاء يا ماما عاوزاكى تسبينى انا ومحمد فى حالنا انا عاوزاه مش هسيبه وهيتجوز دعاء ويلا بقى قومى علشان دعاء اتصلت كذا مره وانا الصبح هكون موجوده جمب اختى ما هى مش اعز من بابا
الام قامت مكسوره ومشيت زى ما ولاء طلبت خضعت لبنتها وفضلت تكلم نفسها طول الطريق وتقول انا غلطانه مكنتش اعرف انها شافت كده وهتفتكر كل ده وقبل ما تروح البيت بصت للسماء وقالت يارب انا غلطت انا زانيه وهو ضحك عليه يارب اعمل ايه سامحنى يارب دبرنى انا تعبت انا عشت ع
ولادى وحاولت انسى يارب ده عقابى ده انا نسيت بس عقابى طلع كبير اوى بس دعاء مش هتتجوز محمد ولو فيها مووت ولاء
وفى صباح اليوم التالى دعاء قامت فرحانه وولاء بكل خباثه جت تزغرط لأختها وشالت فستانها وراحت ع الكوافير والام فى حيره هتعمل ايه ولما الساعه دقت 8 العريس وصل
الكوافير وولاء بكل خباثه والغيره فى عينها قابلته وسلمت دعاء لى وفى وسط فرحه الموجودين والعروسه وولاء والعريس ركبوا العربيه واتجهوا ع القاعه لحضور مراسم الزفاف واول ما دخلوا القاعه ولاء لاحظت أن أمها مش موجوده والكل بيسأل ع الام ….
يتبع …