#المغامرة_المجنونة
#البارت_الرابع
روحت الفندق عشان اقضي فيه الليله لما اخد الشقه من استاذ طماطم 🙄
دخلت اوضتي خدت شاور ونمت علطول ...
....................
في كباريه ....
ساهر : يا بني كفايه شرب بقا انت فاكر أن انت كده هاتنسي يعني ..
جاسر: هوا انت فاكر أن ده بينسيني ده بيفكرني بيفكرني بجرح قلبي .
ساهر: عيش حياتك الدنيا ما وقفتش ولا عمرها هتقف مش مستاهله لكل ده.
جاسر: مش مستاهله ما انت مش حاسس بالجرح اللي في قلبي عشت عمري بدي كل حاجه حلوه وفي الأخر مش بحصد غير الوحش غير الوجع ...
ساهر : ربنا يريح قلبك يا صاحبي .
..............
في الصباح...
صحيت من النوم الضهر خدت شاور وعملت 100 ضغط وحبه تمارين رياضيه وكده اكيد هاكسبك يا استاذ طماطم 🙄
لبست ونزلت دخلت مطعم وفطرت ..
ببص في الساعه 1:30 روحت بقا استني الاستاذ طماطم عشان المعركه الداميه اللي هحصل دا انا هاقطعك يا أستاذ طماطم 💪
وصلت قدام البيت واستنيته علي الاستراحه الساعه 2 الا ربع ...
فضلت مستنيااه وسرحانه في البحر وموجه افتكرت امي لأن اسمها كان موج وحشتني اوي الحياه من غيرها صعبه بجد 😢
بصيت في الساعه بقت 2 ....
قمت وقفت لقيته نازل علي السلم ومقابلني مواعيده مظبوطه بالمللي 👍
جاسر: ها جاهزة ..
..انا طول عمري جاهزة.
جاسر: دلوقتي نشوف تعالي ورايا .
..اوك ..
مشيت وراه طلعنا عمارته وبعدين دخلنا شقه تقريبا شقته شقه خاليه من اي روح الوانها كئيبه زي استاذ طماطم حتي الشمس مش داخله ليها وعتمه اي بنت غيري المفروض تخاف لكن انا مش بخاف من حاجه ما فيهاش عفش كتير...
جاسر: خلصتي.
..خلصت ايه
جاسر: خلصتي تفصيص في الشقه .
..احم دا أنا وشي في الارض من ساعه ما دخلت لدرجه اني كنت هاقع .
جاسر: اه ما انا عارف
..🙄
فتح اوضه ودخلها وأنا دخلت وراه تقريبا جاهزة حلبه مصارعه وحاجه اخر حاجه 🤨
قلع الجاكت بتاعه وظهرت عضلاته اللي حاجه اخر حاجه برده احم ندخل في الموضوع 😂
طلع ودخل الحلبه وأنا دخلت وكله خد وضعيته وأول ضربه بدأها وانا اتفاديت وتاني وتالت ورابع انت بتفش خلقك فيا ولا ايه 😢
بيحاول يضرب وشي اتفاديت واديته في وشه مناخيرة نزلت دم 🙄
تقريبا اتعصب طب ماهوا اساسا متعصب 😁
ضربه والتانيه والتالته واتفاديتها وهوب في جمبه واديتله
اتعصب بزيادة وضربه والتانيه اداني في وشي 😭
ما كانتش شقه يعني أومال لو كانت عمارة يعني اين وجهي انا لا أشعر به😢
انت كده عصبتني بقا ...
ضربه والتانيه والتالته والرابعه بحاول اتفادي ضرباته طول الماتش من الأول ..
بدأ يهبط وهوا ده اللي كنت عايزاه نزلت فيه ضرب بقا 😂
ولا كأن ليا عنده طار ..
نام علي الأرض ومش قادر ياخد نفسه ..
..انت كويس انا اسفه 😢
جاسر بيشاور كأنه عايز دواء او حاجه
..دواء ..بخاخه ..
جاسر بيهز دماغه .
..عندك ربو
جاسر بيهز دماغه .
..طب فين هيا فين 😢
بيشاور علي برة ..
طلعت اكيد في أوضته دخلت لقيت اوضه نومه قعدت ادور عليها علي الكوميدينو مش موجودة فتحت الإدراج مش موجودة اعمل ايه 😢
ببص علي التسريحه لقيتها خدتها وجريت عليه كان مش قادر ياخد نفسه اديتهاله واخيرا بقي طبيعي ..
سندته وقومته وطلعنا بره الأوضه خالص قعدته علي الكنبه دخلت المطبخ أجبله ميه ..
جبت ميه وادتهاله ...
..ها بقيت كويس .
جاسر: الحمد لله .
..كده خوفتني حرام عليك ده انا كنت هاموتك يا جدع 😂
جاسر ابتسم ...
..الله ما بتعرف تضحك اهو وعندك غمازات اهو ما بتستخدمهاش ليه لحد ما تربت
رجع لوشه الخشب تاني ايوه كده من فات قديمه تاه 😂
..دلوقتي انا اديتك العلقه التمام
جاسر: نعم .
.. قصدي دشدشتك
جاسر: نعم
.. قصدي كسبت كسبت فين عقد الشقه 😁
جاسر: ..........
..اوعي تكون عيل ومش قد كلامك ازعل واجيب ناس تزعل معايا .
جاسر: عيل 😡
قد يعجبك ايضا
..ايه كان قلبي حاسس انك هتضحك عليا بعد الفرهده دي كلها ووشي اللي ورم ده حرام عليك بجد بقا يا عيل يا اللي مالكش كلمه ..حط أيده علي بوقي بعصبية..
جاسر : انت ايه مش بتسكتي .طلع ورقه من جيبه ورماها في وشي ومشي ...
احم برستيجي عالي اوي انا عارفه ..
مسكت الورقه بفتحها لقيتها عقد الشقه فعلا ..بيع وشراء..
ظلمته واتسرعت مش مهم المهم أن الشقه بقت بتاعتي من غير ما ادفع فلوس 😂
نزلت استنوا فين المفتاح ايه ده ضحك عليا تاني النصاب
البواب: بكلمك بقالي ساعه اتفضلي استاذ جاسر قالي اديكي المفتاح ده .
خدت منه المفتاح ظلمت استاذ طماطم تاني واتسرعت بس مش مهم يلا..
فتحت الشقه ..
شرحه وبرحه وفيها تكييف واللي هتسكنها حلوة ودمها خفيف 😂
بس ما عندوش دم بردة هنام علي ايه مش المفروض كان يفرشهالى هانام علي الأرض يعني🙄
كويس أن معايا فلوس هاروح اشتري فرش بقا .
بس وشي ده مافيش تلج أو اي حاجه احطها عليه أو مرطب حتي هشوف بقا في شنطتي أو اسيبها للطبيعه مع نفسه بقا 😂
قفلت الشقه وروحت الفندق عشان اجيب الشنط وكده والحمد لله لقيت معايا مرهم حطيت سكن شويه جبت الشنط وروحت الشقه ...
..........
جاسر في شقته والباب بيخبط ..
..احم اذيك ..
جاسر: نعم عاوزة ايه مغمضه عنيكي ليه .
..استر نفسك بحاجه قصدي البس حاجه ..
كان مش لابس تيشيرت وعضلاته باينه
جاسر: وانتي مالك انا مش عايز البس اخلصي عايزة ايه ..
(العبده لله الناس بتحترمها احترام غير طبيعي 😂)
لفيت وشي بعيد ...
..انا المفتاح ضاع مني فلو سمحت يعني لو ما كانش فيها إساءة ادب ممكن تجيبلي مفتاح تاني اكيد معاك نسخه تانيه 😢
جاسر: دوري عليه ..
وقفل الباب.
..استاذ طماطم ماعندهوش ذوق 🤨
خبطت تاني ..
فتح وهوا زي ماهوا .
جاسر: اللهم طولك يا روح ماقلتلك دوري .
..دورت واللهي انت لما كنت محتاج مساعده انا ساعدتك ممكن تساعدني بقا .
رزع الباب في وشي بس بالجامد تاني 🙄
بلف عشان فقدت الامل خلاص وهانزل فتح الباب
ورماه علي الأرض بقرف .
جاسر: دي اخر نسخه ضيعيها كمان ورزع الباب 😡
هوا الراجل ده مش طايقني كده ليه انا عملت ايه لكل ده يعني 😏
خدت المفتاح ونزلت دخلت الشنط ..
..عم عبده في معرض اثاث قريب من هنا أسعاره حلوة
عم عبده: ايوه في الشارع التاني .
..طيب ممكن تيجي معايا
عم عبده: ماشي يا بنتي يلا .
...............
صوت جهاز القلب بيقف والصفارة بتصفر ..
عامر بيجري بهستيريا في الأوضه : دكتور دكتور ...
بيدخل الدكتور والممرضين بيعملوا إنعاش للقلب مرة واتنين وتلاته مافيش فايدة ...
عامر واقف مصدوم : ارجوكي يا امي ما تسبنيش ياااارب ياااارب ...
كان متوضي فرش السجادة وصلي بقلب مجروح فضل ساجد يدعي كتير من قلبه لحد ما الصوت راح ودقات القلب رجعت طبيعيه تاني ..
.................
عم عبده: كده تمام يا بنتي .
..كده تمام بس انا جبت السرير وماجبتش مراتب 😂
عم عبده : طيب والعمل
..البركه فيك بقا يا عم عبده
عم عبده : امري لله
جهزت كل حاجه الشقه بقت تحفه علي زوقي واحدة واحدة هاجيب الأجهزة بقا ....
تعبت وجيت انام لقيت في دربكه جامدة في الشقه اللي فوقي الشقه بتاعت استاذ طماطم ..
ممكن يكون بينقل حاجه او كده مش عارفه
حاولت أنام صوت الدربكه بيزيد مش عارفه انام يا تري هوا بيعمل ايه ...
سكت دقيقه اخيرا ورجع تاني وبدأت اسمع اصوات يا تري في ايه صوت مخنوق وبيتوجع ..
فتحت الشقه وخدت المفتاح معايا وطلعت شقته الباب مقفول والصوت بيزيد خبطت عليه مش بيفتح كان في أيدي مفتاحي بجرب افتح بيه لقيته فتح حاجه غريبه جدا ...
انا خايفه بجد ادخل ..
بس هادخل أنا بضحك في وش المخاطر 😢
دخلت لقيت حاجه صدمتني .........يتبع
ولسه اللي جاي تقيل مع كاتبه الجيل 😎
رأيكم في بارت النهاردة
#المغامرة_المجنونة
#بقلم_حنين_عادل
#كاتبة_الجيل
